Türkiýäniň Prezidenti R.T.Erdogan ABŞ-nyň Prezidenti Donald Trampyň Ysraýyl-Eýran çaknyşygynyň bes edilmegi hakynda beren soňky beýanatlaryna kanagatlanma bildirip, bütin sebite anýan howpuň öňüni almak üçin gyssagly çäreleriň görülmelidigini nygtady.

Türkiýäniň Kommunikasiýalar edarasy ýekşenbe güni X sosial media platformasyndan beren habarnamasynda liderlerin Ysraýyl-Eýran çaknyşygy, özara gatnaşyklar we sebitleýin meseleler hakynda telefon arkaly söhbetdeşlik geçirendigini mälim etdi.

Erdogan Eýranyň ýadro maksatnamasy meselesiniň çözülmeginde diplomatiýanyň ýeke-täk ýol bolandygyny ýene-de bir gezek nygtap, bu meselede degişli tagallany etmage, hat-da ýeňilleşdiriji pozisiýa eýelemäge taýýardyklaryny beýan etdi.

Prezident Erdogan Eýranyň Ysraýylyň Eýrana guraýan hüjümleriniň iki tarap üçin hem “öwezi dolunmasyz ykdysady we gumanitar ýitgilere” sebäp bolýandygyny beýan edip, bu howply ýoldan el çekilmelidigini aýtdy.

Tramp ýekşenbe güni “Trut Sosial” platformasyndan beren habarnamasynda “Eýran we Ysraýyl ylalaşmaly we ylalaşarlar” diýip, parahatçylygy ýola goýmak üçin gepleşikleriň hem-de çagyryşlaryň dowam edýändigini nygtady.

 “Gyssagly çäre görmek”

 Anna güni Ysraýylyň Eýranyň harby we ýadro desgalaryna garşy hüjümleri bilen başlan Eýran-Ysraýyl çaknyşygynda Eýranyn ýokary derejeli serkerdeleri we alymlarynyn birnäçesi ýogaldy.

Ysraýylyň hüjümleri dowam edýär, Eýran hem ar alyş hüjümlerini gurady.

Tramp we Erdogan bolsa şenbe güni telefon arkaly söhbetdeşlik geçirdi. Türkiýäniň Perzidenti R.T.Erdogfan ABŞ-nyň Prezidenti Donald Tramp bilen geçiren telefon arkaly söhbetdeşliginde Eýran-Ysraýyl çaknyşygynyň Ýakyn Gündogary öz üçüne almazlygy üçin “gyssagly çäre” görülmelidigini beýan etdi.