Ankara dowam edýän kazyýet işleri bilen bagly beýanatlary sebäpli Pariži berk ýagdaýda ýazgaryp, şol beýanatlaryň syýasy sebäpler bilen berlendigini we goşa standartlaryň görkezijisidigini beýan etdi.

Türkiye, Fransiýanyň dowam edýän kazyýet işlerine degişli tankydy belliklerini ret edip, Fransiýanyň Daşary işler ministrliginiň soňky beýanatyny ýurduň içerki işlerine kabul ederliksiz goşulmak hökmünde häsiýetlendirdi.

Türkiyäniň Daşary işler ministrligi: “Biz Fransiýanyň Ýewropa we Daşary işler ministrligi tarapyndan şu gün (7-nji iýulda) berlen we ýurdumyzda dowam edýän kazyýet işlerine goşulmak häsiýetine eýe bolan beýanaty düýpli ret edýäris” diýip nygtady.

Ankara, “adalatly we bitarap” kazyýet işleriniň kepillendirilýändigini belläp, ähli kazyýet işleriniň Türkiyäniň Konstitusiýasyna we milli kanunlaryna laýyklykda garaşsyz kazyýetler tarapyndan alnyp barylýandygyny nygtady.

Ministrlik Fransiýany goşa standart ulanmakda aýyplady we Fransiýanyň oppozisiýa lideriniň tussag edilmegi bilen şol adamlaryň saýlawlara goşulmak hukugynyň elinden alynmagyny we käbir fransuz häkimlerine garşy dowam edýän kazyýet işlerini mysal getirdi.

Türkiyäniň Daşary işler ministrligi: “Fransiýanyň esasy oppozisiýa partiýasynyň lideriniň kazyýet karary bilen tussag edilmegi barada höküm edilendigini göz öňünde tutsak... bu beýanat aç-açan goşa standartyň görkezijisidir” diýildi.

Türkiye Fransiýany öz kazyýet özbaşdaklygyna hormat goýmaga we beýleki ýurtlaryň içerki işlerine syýasy taýdan gönükdirilen beyanatlar bermekden saklanmaga çagyrdy.

Ministrlik: “Biz Fransiýa Türkiyäniň içerki hukuk ulgamyna we kazyýet garaşsyzlygyna hormat goýmagy, beýleki ýurtlar bilen bagly syýasy maksatly beýanatlardan saklanmagy we öz içerki meselelerini çözmäge üns bermeklerini maslahat berýäris” diýip belledi.