Polşanyň ozalky Prezidenti Leh Walensa çarşenbe güni Polşa bilen ABŞ-nyň liderleriniň arasynda dowam edýän jedellere goşulyp, milliarder Ilon Masky "hiç zat aňlatmaýan adam" diýip häsýetlendirdi.
Nobel Parahatçylyk baýragynyň eýesi Polşanyň ozalky Prezidenti Leh Walensa Polşanyň "Super Express" gazetinde beren interwýusynda: “Öz işlerimize üns bereliň, Ýewropada howpsuzlygy we güýçli hyzmatdaşlyklary döredeliň, Mask bilen işimiz bolmasyn, onuň bilen gyzyklanmaň. Men onuň bilen bagly alada etmeýärin... Ondan uzak durmalydyrys... Ol hiç zat aňlatmaýan adam" diýip belledi.
Geçen hepdäniň ahyrynda Polşanyň Daşary işler ministri Radoslaw Sikorskiý ABŞ-nyň prezidenti Donald Trampa ýakyn bolmak bilen tanalýan Ilon Mask we ABŞ-nyň Döwlet sekretary Marko Rubio bilen jedelleşige girdi.
Sikorskiý we Mask Ukrainanyň aragatnaşyk infrastrukturasynda möhüm ähmiýete eýe bolan Starlink ulgamy barada jedelleşige girdiler. Mask eger Ukraina Starlink ulgamyndan aýyrlsa, onda “ähli öň frontynyň dargajakdygyny” öňe sürüpdi.
Jogap hökmünde Sikorskiý, Ukrainanyň Starlink üçin töleginiň Polşa bilen ikitaraplaýyn söwda ylalaşygynyň çäginde tölenýändigini we ony ýapmak bilen haýbat atylsa, alternatiw ulgam gözlenjekdigini aýtdy.
Ondan soň bolsa ABŞ-nyň Döwlet sekretary Marko Rubio Sikorskiýni esassyz öňe sürmeler bilen günäkärledi.
Rubio: "Hiç kim Ukrainany Starlinkden aýyrmak bilen hemle atmady. Şükür edilmeli, sebäbi Starlink bolmadyk bolsady, Ukraina bu uruşda eýýäm ýeňlip, ruslar Polşanyň serhediniň golaýynda bolardy" diýip belledi.
Bir näçe wagt soň Mask Sikorskiýiň beýanatyna jogap berdi.
Mask: "Sessiz bol, kiçijek adam. Sen çykdajylaryň diňe kiçiräk bölegini töleýärsiň. Starlinkiň alternatiwasy ýok," diýip ýazdy.
Mask soňra Sikorskiýni amerikaly-wenger maýadar Jorj Sorosyň "gurjagy" bolmak bilen günäkärledi.
