Resmileriň habar bermegine görä Pakistan çarşenbe güni Hindistanyň serhet howpsuzlyk güýçleriniň esgerini Hindistana ekstradisiýa edipdir.
Purnam Kumar Şaw atly Hindistanyň serhet howpsuzlyk güýçleriniň esgeri, 23-nji aprelden bäri Pakistanyň serhet howpsuzlygyny üpjün edýän güýçleriň gözegçiligi astynda saklanýardy. Hindistan tarapyndan berlen resmi beýannama görä esger çarşenbe güni Hindistanyň demirgazygyndaky Amritsarda ýerleşýän Attari umumy gözegçilik nokadynda Hindistana geçirildi. Beýannamada: “Gowşurylyş parahatçylykly ýagdaýda we kesgitlenen protokollara laýyklykda amala aşyryldy” diýildi.
Hindi esgeriniň azat edilmegi Hindistan bilen Pakistanyň arasynda dartgynlygyň artan döwründen soň amala aşyryldy. Geçen hepde şahsyýetleri entek anyklanmadyk ýaragly adamlaryň Hindistanyň dolanşygyndaky Kaşmirde 26 adamyň ýogalmagyna sebäp bolan hüjümlerden soň iki ýurduň arasynda raketaly we dronly hüjümler başdan geçirlipdi.
Duşmançylyk ABŞ-nyň araçylygynda Günorta Aziýanyň iki goňşy ýurdunyň arasynda ýaraşyk ylalaşygynyň üpjün edilmeginden bes edildi. Ýaraşyk ylalaşygy geçen hepdeden bäri güýjüni goramaga dowam edýär.
