Ýerli halas ediş gulluklary uniwersitetiň talyplaryny daşaýan awtobusyň duşenbe güni irden Malaýziýanyň demirgazygynda bir mikroawtobus bilen çakyşmagy netijesinde azyndan 15 adamyň ýogalandygyny habar berdiler.

Taýland serhediniň golaýynda, Gündogar-Günbatar awtoýolunda başdan geçirlen heläkçilikde 13 adam wakanyň bolan ýerinde, 2 adam bolsa hassahanada ýogaldy.

Wakada şeýle hem 31 adam ýaralandy.

Perak welaýatynyň apat dolanşyk edarasynyň resmisi: “Awtobus agdaryldy we mikroawtobus çukura gaçdy” diýip habar berdi.

Resmi beýanatynda: “Käbir adamlaryň özi awtobusyň içinden çykmagy başardylar, käbir adamlar awtobusdan daşary uçdular, galan käbir adamlar bolsa awtobusyň içinde halas edilmeklerine garaşýarlar” diýip mälim etdi.

Awtobus Kuala-Lumpuryň demirgazygyndaky Sultan Idris Bilim uniwersitetiniň talyplaryny alyp barýardy.

Halas ediş gulluklary awtobusyň içindäki käbir adamlary halas etmek we çykarmak üçin gidrawliki kesiji enjamlaryň zerurdygyny aýtdy.

Malaýziýada ýol-ulag hadysalarynyň derejesi ýokary bolup, mart aýynda The Star gazeti ýurduň ýollarynda her iki sagatda bir adamyň aradan çykýandygyny habar berdi.