Ukrainanyň 100-den gowrak uçarmansyz howa ulagyny ulanyp Russiýa guran howa hüjümleri, Moskwa şäherinde geçiriljek Ýeňiş güni bilen bagly dabaradan ozal ençeme şäherde howa gatnawlaryna ýaramaz täsir ýetiren bolsa, käbir sebitlerde elektrik toklaryň kesilmegine we şikes ýetmelere sebäp boldy.

Resmiler tarapyndan sişenbe güni berlen beýanatda, Ukrainanyň gijäniň dowamynda 100-den gowrak uçarmansyz howa ulagy bilen hüjümler guramagyndan soň, Russiýadaky howa menzillerinde, uçar gatnawlaryna çäklendirmeler girizilmegine sebäp bolan hüjümler, Moskwada geçiriljek II Jahan urşunyň ýeňiş güni mynasybetli geçiriljek harby ýörişden birnäçe gün ozal guraldy.

Goranmak ministrligi tarapyndan berlen maglumata görä, jemi 105 uçarmansyz howa ulagy bilen Russiýa nyşana alyndy. Hüjümler 9-njy maýda Russiýanyň Prezidenti Wladimir Putiniň ýolbaşçylyk etmeginde II Jahan urşy mynasybetli Moskwada geçiriljek hatyralama çäresinden ozal guraldy. Çärelere şeýle hem birnäçe dünýä lideriniň gatnaşmagyna garaşylýar.

Moskwanyň şäher häkimi Sergeý Sobýanin Telegramdan beren beýanatynda howa goranyş ulgamlarynyň Moskwanyň töwereginde 19 sany uçarmansyz howa ulagyny täsirsiz ýagdaýa getirendigini, galyndylaryň şäheriň günortasyndaky köçä gaçandygyny, emma hiç kimiň ýaralanmandygyny aýtdy.

Russiýanyň habarlar gulluklary Federal howa transport gullugyna salgylanyp, ondan gowrak howa menzilinde, şol sanda Moskwa şäherindäki dördüsinde uçuş çäklendirmeleri girizildi. Şeýle-de bolsa, şäheriň esasy howa menzili Şeremetýewodaky uçuş gatnawyna känbir täsir ýetmedi.