Arkadag şäherinde gaýtadan dikeldilýän çeşmeler arkaly elektrik energiýasyny öndürmek we suwlary täzeden ulanmaga gönükdirilen ulgamlaryň ornaşdyrylmagyna degişli taslamalara maliýe serişdelerini çekmek maksady bilen degişli guramalar bilen hyzmatdaşlyk edilýändigi habar berildi.

Saparyň dowamynda Türkmen halkynyň Liderine "Ahalteke Atlary Köçesi" taslamasy barada gem maglumat berildi. Taslama barada çykyş eden ýolbaşçylar, türkmen halkynyň milli buýsanjy hasaplanýan meşhur ahalteke atlarynyň heýkelleriniň bellenen nokatlara ýerleşdiriljekdigini bellediler.

Türkmen halkynyň Milli Lideri şeýle hem Arkadag şäherinde gurluşygy dowam edýän metjit hakynda maglumat aldy. Metjitde bir wagtyň özünde 30 müň adamyň ybadat etmegi üçin mümkinçiligiň dörediljekdigi, şeýle-de aýal-gyzlar üçin 5 müň orunlyk bölümiň boljakdygy habar berildi.