Türkiýe anna güni Azatlyk flody koalisiýasyna degişli gämä guralan hüjümi ýazgardy. Bu hüjüm, Ysraýylyň iki aýdan bäri dowam edýän gabawy sebäpli açlykdan ejir edýän Gazanyň halkynyň ýagdaýyny has-da kynlaşdyrdy.

Ankara bu hüjümiň halkara suw giňişligindäki gämilere we deňiz howpsuzlygyna wehim salýandygyny nygtady.

“Taýmes of Malta” gazeti, Ysraýyla degişli uçaryň Maltanyň howa giňişligine girendigini, üç sagat soň Ysraýyla yzyna dolanandygyny tassyklady.

Uçuş maglumatlary, uçaryň adada gysga wagt galandan soň gündogara tarap gidendigini görkezýär. Uçar jemi 7 sagada golaý uçandan soň yzyna dolandy.

Gaza ynsanperwer kömegini alyp giden 16 adamlyk gämä, ertiriň irki sagatlarynda uçarmansyz howa ulagy tarapyndan hüjüm guraldy. Hüjüm sebäpli gämä zeper ýetirildi. Gäminiň ýolagçylary Maltanyň howa güýçleri tarapyndan halas edildi.

Ysraýylyň Gaza goýan gabawynyň bes edilmegini maksat edinýän meýletin topar, uçarmansyz howa ulagy bilen Azatlyk Flody gämisine guralan hüjüm sebäpli gäminiň elektrik togynyň kesilendigini we batmak howpyny başdan geçirendigini mälim etdi.

Beýannamada ýerli wagt bilen 02.13-de gämidäki meýletinleriň howpsuzdygy anyklandy. Emma olaryň gämini terk etmek islemeýändige üns çekildi.

“Wyždan” atly gäminiň halkara suw giňişliginde galmaga dowam edýändigi we gözegçilik astyna alynandy nygtaldy.

Hüjümiň jogapkärçiligini heniz öz üstüne alan bolmady emma Azatlyk Flody koalisiýasy Ysraýyly günäkärledi.

Kent uniwersitetinden Dr. Şahd Hammouri beren beýannamasynda “Ysraýyl söweş usuly hökmüne palestin halkyny aç goýmak syýasatyny dowam etdirmek üçin ynsanperwer kömek gämilerini bombalamaga taýar” diýdi.

BMG-nyň Palestina boýunça ýörite habarnamaçysy Franseska Albanese, X sosial media platformasyndan beren habarnamasynda Azatlyk Flodyndaky meýletinlerden kömek çagyryşyny alandygyny aýtdy.

Franseska Albanese, “Degişli ýurtlaryň ýolbaşçylaryna gämä we ekipažyna degişli goldawyň berilmegi üçin çagyryş edýärin” diýdi.