Harbanamalara görä, ABŞ we Ukraina giç galynanda sişenbe gününe çenli bu möhüm ylalaşygy baglaşmaga taýýar.

Bu garaşylýan başlangyç, Tramp bilen Ukrainanyň Prezidenti Wladimir Zelenskiýniň geçen anna güni Ak Tamda şertnama baglaşmak baradaky meýilnamalaryny bulaşdyran aç-açan jedelden bary-ýogy birnäçe gün soň iş yüzüne geçip biler.

Tramp Zelenskiýni Ak Tamdan ugratdy we Zelenskiý ýewropaly ýaranlary bilen duşuşmak üçin Amerikadan gitdi.

Tramp duşenbe güni ylalaşygyň geljegi barada optimist äheňde çykyş etdi we geçen hepde ýüze çykan dartgynly gepleşiklere garamazdan onuň puja çykmandygyny aýtdy.

"Bu biziň üçin ajaýyp ylalaşyk, sebäbini bilýäňizmi, Baýden hakykatdanam örän, örän samsyklyk edip, 300 milliard, belki-de 350 milliard dollary bir ýurda söweşmegi we bir zatlary etmäge synanyşmagy üçin berdi. Netijede näme boldy? Biz hiç zat almadak" diýip, ol öz çykyşynda nygtady.

"Biz onuň hemmesini yzyna almak we has-da köp almak üçin işleýäris. Sebäbi biziň çipler, ýarym geçirijiler we beýleki ähli zatlar üçin seýrek metallara zerurlygymyz bar. Bizde bolsa iň gowy seýrek metallara eýe bolmak baradaky ylalaşyk bar" diýip, Tramp sözüniň üstüni ýetirdi.

Dartgynly gatnaşyklar
Geçen hepde Zelenskiý, Russiýanyň Prezidenti Wladimir Putiniň söweşi bes etmek üçin geçiriljek islendik gepleşikde ynamdar hyzmatdaşlyk etmegine şübheli garaýandygyny beýan etdi. Ol Russiýanyň Ukraina garşy giň gerimli söweşe başlamazdan ozal yzygiderli görnüşde ýerine ýetirmedik ylalaşyklaryny mysal getirdi.

Tramp  bolsa Ukrainanyň NATO agzalygyna goşulmagyna garşydygyny beýan edipdi. Bu bolsa, islendik täze agzany kabul etmek üçin agza ýurtlaryň bir agyzdanr ses bermegini talap edýän transatlantik goranyş bileleşiginiň (NATO) syýasatyna ters gelýär.

Zelenskiý dartgynly masgaraçylykdan soň garaşylmadyk ýagdaýda Ak Tamdan gitdi, möhüm minerallar ylalaşygyna gol çekmedi we Tramp bilen meýilleşdirilen bilelikdäki metbugat ýygnagyny bes etdi.