Ýolbaşçylaryň berýän maglumatyna görä, Indoneziýanyň Bali adasyna barýan ýolagçy gämisiniň batmagy sebäpli azyndan 4 adam ýogaldy, 38 adam dereksiz ýitdi.
Surabaýadaky gözleg we halas ediş toparynyň şu gün irden beren beýannamasynda, KMT Tunu Pratama Žaýa atly 65 ýolagçysy bolan gäminiň çarşenbe gijesi Bali adasyna tarap barýarka batandygy nygtaldy.
Häzire çenli 23 adamyň halas edilendigi emma güýçli şemalyň we tolkunyň gözleg we halas ediş işlerini bökdeýändigi nygtaldy.
Ýolagçy gämisi Gündogar Ýawadaky Banýuwangi sebitindäki Ketapang portundan Bali adasynyň Gilimanuk portuna tarap barýardy.
Saud Arabystanynda saparda bolýan Prezident Prabowo Subiantonyň gyssagly degişli çäreleriň görülmegi üçin görkezme berendigi habar berildi.
Erbet howa şertleriniň heläkçilige sebäp bolandygy bellenildi.
