ABŞ-nyň we Hytaýyň söwda ylalaşygy bilen tarifleri azaldyp, gyssagly aladalary aradan aýyranlaryndan soň, bazarlar reaksiýa bermäge başladylar.

ABŞ bilen Hytaýyň arasynda gümrük salgytlarynyň aglabasyny peseldýän söwda ylalaşygy çarşenbe güni güýje girdi we global bazarlar we halkara üpjünçilik zynjyrlaryna täsir ýetiren rehimsiz söwda urşunda wagtlaýyn ylalaşyk gazanyldy.

Waşington we Pekin hepdäniň ahyrynda geçirlen gepleşiklerden gelip çykýan ylalaşyk esasynda gümrük salgytlaryny uly mukdarda peseltmegi kabul edipdiler.

ABŞ-nyň Prezidenti Donald Tramp sişenbe güni Fox News kanalyna beren beýanatynda, Waşingtonyň Hytaý bilen Pekin ykdysadyýetiniň ABŞ-ly kärhanalara “açylmagyny” üpjün etmek “örän, örän güýçli” söwda ylalaşygy meýilnamasynyň üstünde işleýändiklerini habar berdi.

Tramp Pars aýlagy ýurtlaryna çykan Air Force One atly uçarynda ABŞ-nyň metbugat organlaryna beren beýanatynda: “Hytaý bilen örän güýçli ylalaşygyň çägine ýetdik. Emma ylalaşygyň iň aladaly bölegi Hytaýyň ABŞ-nyň işewür dünýäsine açylmagy” diýip belledi.

Tramp: “Hem biz üçin hem-de Hytaý üçin iň aladaly bolup biljekdigini pikir edýän zatlarymyzyň biri hem Hytaýy açmaga synanyşýarys” diýip belledi.