ABŞ-nyň Prezidenti Donald Tramp Ysraýyl bilen Eýranyň sişenbe güni takmynan sagat 04:00 başlamak bilen tapgyrlaýyn ýaraşyk ylalaşygyna gelendigini yglan etdi. Bu ylalaşyk, iki hepdelik dartgynly çaknyşyklaryň resmi taýdan soňlanmagyna gönükdirilendir.

Tramp özüniň Truth Social platformasynda beren beýannamasynda, bu ylalaşygyň "doly we umumy ýaraşygy" göz öňünde tutýandygyny aýtdy. Ylalaşyga laýyklykda ilki bilen Eýran operasiýalaryny togtatmaga başlar, ondan 12 sagat soň Ysraýyl hem şol hereketi ýerine ýetirer.

Bu ýaraşyk Trampyň "12 Günlük Uruş" diýip atlandyran çaknyşyklaryň resmi taýdan soňlanmagyny alamatlandyrar.

Çaknyşyk 13-nji iýunda Ysraýylyň Eýranyň harby, raýat we ýadro desgalaryna, şol sanda Fordo ýerasty baýlaşdyryş merkezine howa hüjümleirni guramagy bilen başlandy.

Tähran Ysraýylyň nyşanalaryna ballistik raketa hüjümleri bilen jogap berdi, bu bolsa iki ýurduň onýyllyklaryň dowamynda iň göni harby çaknyşygyna sebäp bolan gaýtawul zynjyryny döretdi.

Dartgynlyk 22-nji iýunda ABŞ-nyň Ysraýylyň hüjümlerine goşulyp, Eýranyň üç sany ýadro desgasyna hüjüm guramagy we Eýranyň Katardaky ABŞ-nyň Al Udeid harby bazasyna raketa hüjümini amala aşyrmagy bilen artdy.