ABŞ-nyň prezidenti Donald Tramp Ukrainanyň we Russiýanyň şu hepde urşy bes etmek ugrunda ylalaşyk gazanmagyny umyt edýändigini aýtdy.

Tramp ýekşenbe güni Truth Social gollanmasyndan beren beýanatynda: “Russiýa we Ukraina bu hepde ylalaşyk gazanar diýip umyt edýärin” diýdi.

Tramp: “Taraplaryň ikisem ondan soň, uly üstünlik bilen özgerýän ABŞ bilen uly işler etmäge başlar we girdeji gazanar” diýip belledi.

ABŞ-nyň prezidenti Donald Tramp bu beýanatyny Zelenskiýniň raýat infrastrukturasyna guralýan hüjümlere 30 günlük arakesme berilmegi baradaky teklibinden soň berdi.

Zelenskiý X platformasyndan: “Ukraina raýat infrastrukturasyna garşy uzak aralykly uçarmansyz howa ulaglary we raketalar bilen guralýan hüjümleriň azyndan 30 gün möhlet bilen bes edilmegini, bu tapgyryň möhlediniň uzadylmagy ähtimallygy bilen birlikde teklip edýär” diýdi.

Eger Russiýa bu teklibi ret etse, onuň urşuň uzamagyny isleýändiginiň subutnamasy boljakdygyny beýan etdi.

Kreml ozal bolsa Russiýanyň Prezidenti Wladimir Putiniň Pasha baýramynda ot açyşlygyň bes edilmegi bilen bagly ylalaşygyň möhlediniň uzadylmagy bilen bagly görkezme bermändigini habar berdi.

Barlag ädimleri

Şenbe güni Putin Ukrainada dowam edýän uruşda 30 sagatlyk birtaraplaýyn ýaraşyk yglan edip, onuň üstünlikli ýa-da şowsuz bolmagynyň Kiýewiň konflikti parahatçylykly çözmäge taýýarlygyny görkezjekdigini aýtdy.

Oňa jogap hökmünde Zelenskiý öz ýurdunyň Russiýanyň hereketlerini gaýtalajakdygyny aýdyp, Kiýewiň “eger-de doly ýaraşyk hakykatdan hem güýje girse, arakesmäni uzaltmagy” teklip edýändigini belledi.

Emma ol soňra Russiýanyň Kursk we Belgorod serhet sebitlerinde söweşiň dowam edýändigini öňe sürdi.

Trampyň şu ýylyň ýanwarynda wezipesine girişmeginden bäri ABŞ, urşy bes etmek üçin geçirilýän diplomatik tagallalara işjeň gatnaşýar we Ukraina we Russiýa bilen gepleşikler geçirýär.