DÜNÝÄ
2 minut okamak
ABŞ Ýaponiýany Hytaý deňagramlylygy üçin möhüm hyzmatdaş hökmünde görýär
Pentagonyň başlygy Hytaýyň Hindi-Ýuwaş ummanyndaky agressiw çemeleşmesine garşy ABŞ-Ýaponiýa bileleşigini güýçlendirmek üçin Tokio sapar gurady.
ABŞ Ýaponiýany Hytaý deňagramlylygy üçin möhüm hyzmatdaş hökmünde görýär
China's military pressure is a major regional concern for the US and Japan. [Photo: AP]
31 مارس 2025

ABŞ-nyň Goranmak ministr Pit Hegset Ýaponiýanyň Hytaýyň agressiw hereketlerine garşy Waşingtonyň sebitde, esasan hem Taýwan bogazynda “ynandyryjy” eýmendirme emele getirmegine kömek etmek babatynda möhüm rol oýnaýandygyny beýan etdi.

Tokioda Ýaponiýanyň Goranmak ministri Gen Nakatani bilen duşuşyk geçiren Pit Hegset: “Biz güýçlerimizi kesgitleýän söweşiji ruhy paýlaşýarys” diýip belledi.

Pentagon Ýaponiýany Hindi-Ýuwaş Umman sebitinde parahatçylygyň we howpsuzlygyň esasy daýanjy hökmünde häsýetlendirip, Prezident Donald Trampyň ýolbaşçylyk etmegindäki hökümediň hem ozalky hökümetler ýaly Aziýadaky bu möhüm ýarany bilen ýakyndan iş salyşmaga dowam etjekdigini habar berdi.

Ýaponiýada takmynan 50000 amerikan esgeri, harby uçar floty we Waşingtonyň uçargöter gämi topary bar. Ýaponiýanyň adalary Hytaýyň harby güýjüni çäklendirmekde strategik taýdan möhüm ýerde ýerleşýär.

ABŞ-nyň Goranmak ministr Pit Hegsetiň Ýaponiýa bilen bagly öwgüli sözleri, fewral aýynda Ýewropadaky ýaranlaryna garşy aýdan tankydy bellikleri bilen tapawutlanýar. Şonda ol Ýewropa ýurtlaryna ABŞ-nyň ol ýerde hemişelik galjakdygyna garaşmaly däldigini duýdurypdy.

Şenbe güni ol Iwo Jima adasynda, Ikinji Jahan urşy döwründe ABŞ bilen Ýaponiýanyň güýçleriniň arasynda gazaply söweşleriň bolan ýerinde geçirlen hatyralama çäresine gatnaşypdy.

“Agressiw” Hytaý

Pit Hegset mundan başgada ABŞ-nyň Taýwan bogazy bilen birlikde Hindi-Ýuwaş umman sebitinde güýçli, taýýarlykly we ynandyryjy eýmendirmesini dowam etdirjekdigini belläp, Hytaýy agressiw we kynlaşdyryjy hökmünde häsýetlendirdi.

Ol: "Amerika Hindi-Ýuwaş umman sebitinde, şol sanda Taýwan bogazy boýunça berk, taýýar we ynandyryjy goragy saklamaga borçlanýar" diýip nygtapdy.

Pekin soňky ýyllarda Taýwanyň töwereginde harby basyşyny güýçlendirdi, ol şol sanda gündelik howa gatnawlary bilen düzgün bozmalaryny amala aşyrdy we öz-özüni dolandyrýan adany öz gözegçiligine almak üçin güýç ulanmakdan ýüz öwürmejekdigini beýan etdi.

ÇEŞME:TRT Global
TRT Global barada gysgaça syn. Pikirleriňizi ýazyň!
Contact us