Hytaý Pakistana 3,4 milliard dollarlyk täjirçilik karzyny berer. Şol karzlar Maliýe ministrlerine esaslanýan çeşmelere görä, köptaraplaýyn karzlar bilen bilelikde Pakistanyň daşary ýurt walýuta ätiýajyny 14 milliard dollara çenli ýokarlandyrmagy taýdan diýseň möhüm.

Hytaýyň soňky 3 ýylda Pakistanyň Merkezi bankyna 2,1 milliard dollarlyk karz berendigi, iki aý ozal Pakistanyň 1,3 milliard dollarlyk täjirçilik karzyny yzyna töländigi nygtaldy.

Pakistanyň walýuta ätiýajyna Ýakyn Gündogardaky banklardan alan 1 milliard dollarlyk karzy bilen köptaraplaýyn maliýeleşdirmekden alynan 500 million dollarlyk serişdäniň goşulandygy bellenildi.

Şeýlelikde Pakistanyň Halkara Pul Gaznasynyň walýuta ätiýajyny güýçlendirmek şertini ýerine ýetirendigi ýatladyldy.

Hytaýyň beren karzlary, Pakistanyň pes daşary ýurtly walýuta ätiýajyny güýçlendirmek taýdan diýseň möhüm. Halkara Pul Gaznasy İMF Pakistandan walýuta ätiýajyny 30-njy iýula çenli 14 milliard dollardan geçmegini talap edipdi.

Pakistanly ýolbaşçylar Halkara Pul Gaznasynyň 7 milliard dollarlyk halas ediş bukjasynyň netijesinde ýurduň ykdysadyýetiniň durnukly ýagdaýda ösmäge başlandygyny nygtaýar.