Istanbul şäheriniň häkimi Ekrem Imamoglu karrupsiýa günäkärlemesi sebäpli tussag edildi

 Stambul şäheriniň häkimi Ekrem Imamoglu çarşenbe güni saklanypi korrupsiýa derňewiniň çäginde onlarça adam bilen bilelikde tussag edildi.

Sstambulyň Baş Prokuraturasynyň resmi beýanatynda şeýle diýilýär: "Baş Prokuraturamyzyň geçiren derňewleriniň çäginde nobatçy Kazyýet Ekrem Imamogluny jenaýatçylykly gurama döretmek we oňa ýolbaşçylyk etmek, para almak, güýç ulanmak arkaly pul almak, şahsy maglumatlary bikanun ýazga almak we bäsleşiklere gatyşmak ýaly maliýe derňewleriniň çäginde tussag etmek hakynda karar çykardy."

Emma kazyýet, terror derňewi bilen baglylykda Imamogluny resmi tussag etmegiň zerur däldigini karar etdi.

“Ekrem Imamoglu bilen baglylykda, ýaragly terror guramasyna ýardam edendigi baradaky güýçli şübhe bar bolsa hem, maliýe etmişleri boýunça eýýäm tussag edilendigi sebäpli bu tapgyrda goşmaça çäre görmek zerur däl diýlen netijä gelimndi” diýip, kazyýet beýan etdi.

Istanbulyň Baş Prokuraturasy Imamoglu we beýleki  99 şübheli bilen baglylykda jenaýat guramasyna ýolbaşçylyk etmek, jenaýat guramasyna agza bolmak, ogurlyk, para almak, agyr aldaw, şahsy maglumatlary bikanun edinmek we döwlet bäsleşiklerini galplaşdyrmak ýaly aýyplamalar boýunça derňew işini başlatdy.

Şübheliler Polisiýa bölüminde sorag edilenden soň Istanbulyň Çaglaýan kazyýetine getirildi we olaryň  işine nobatçy jenaýat kazyýeti garady.

Terror guramasy PKK/KJK bilen arabaglanyşyk

Imamoglu şäher ýerlerinde terror guramasy PKK/KCK-niň täsirini güýçlendirmegi maksat edinýän "şäher ylalaşygy" başlangyjyna gatnaşmakda hem aýyplanýar.

Kazyýet, korrupsiýa bilen bagly aýyplamalar boýunça anna we şenbe günleri Istanbulyň Polisiýa Müdirliginde sorag edilenden soň, Imamogluny tussag etmek hakynda karar çykardy.

Imamoglunyň kömekçisi we şäher häkimligine degişli Medya Inc. kompaniýasynyň başlygy Murat Ongun, şeyle-de Imamoglu Insaat kompaniýasynyň baş müdiri Tuncay Yilmaz hem derňewiň çäginde tussag edildi.

Imamoglu we beýleki ähli şübheliler özlerine bildirilen günäkärlemeleri ret etdiler.