Saud Arabystanynyň Daşary işler ministri Şazada Faýsal bin Farhan, Palestina döwletiniň gurulmagy üçin halkara derejesinde edilýän tagallalaryň depgininiň güýçlenen döwründe, Arap-Yslam ministrler komitetiniň wekili hökmünde ýekşenbe güni basyp alyşlyk astyndaky Günbatar Şerianyň Ramallah şäherine sapar gurar.
AFP-nyň berýän habaryna görä, Şazada Faýsal, Ysraýylyň Gazadaky genosidiniň dowam edýän we Saud Arabystanynyň Palestina döwletine goldaw bermek üçin uly tagalla edýän döwründe 1967-njy ýyldan bäri basyp alyşlyk astynda bolan Günbatar Şeria sapar gurajak Saud Arabystanynyň ilkinji daşary işler ministri bolar.
Merkezi Saud Arabystanynda ýerleşýän Al-Arabiýa teleýaýlymy, Şazada Faýsalyň Gazadaky söweşiň bes edilmegi we Ysraýylyň basyp alyşlygynyň ortadan aýrylmagy üçin halkara derejesinde herekete geçmek wezipesi berlen komitete liderlik etjekdigini we Palestinanyň Prezidenti Mahmud Abbas bilen birlikde ýokary derejeli beýleki ýolbaşçylar bilen duşuşyk geçirjekdigini habar berdi.
Bu sapar indiki aý Nýu-Ýorkda BMG-da geçiriljek halkara konferensiýa üçin taýarlyklaryň dowam edýän döwrüne gabat geler.
Fransiýa bilen Saud Arabystanynyň ýolbaşçylyk etmeginde geçiriljek konferensiýada iki döwletli çözgüt meselesi ara alnyp maslahatlaşylar.
Saud Arabystanynyň Al Ikhbariýa teleýaýlymyna beýannama beren Palestinanyň Saud Arabystanyndaky ilçisi Mazan Ghonei, Saud Arabystanynyň Daşary işler ministrine saparynyň çäginde Müsürli, Iordaniýaly we beýleýki ýurtlaryň ýokary derejeli diplomatlarynyň ýoldaşlyk etjekdigini aýtdy.
Ghonei “Ministr derejesinde guraljak bu sapar anyk ýüzlenme hökmünde kabul edilýär. Palestina meselesi araplar we musulmanlar üçin esasy meseledir” diýdi.
ABŞ-nyň Prezidenti Donald Tramp anna güni beren beýannamasynda, atyşygyň bes edilmegi boýunça ýakynda ylalaşyk gazanyljakdygyny aýtdy.
Ysraýyl 602 günden bäri Gazany bombalamaga dowam edýär. Hüjümler sebäpli ýogalanlaryň palestinalylaryň sany 54 müň 321 adama ýetdi. Müňlerçe adam bolsa henizem harabalygyň aşagynda.
BMG-nyň ynsanperwer kömeklerden ýolbaşçysy Tom Fletcher, Ysraýylyň Gazanyň halkyny aç goýmagynyň harby jenaýatdygyny we gabaw astyndaky sebitlerde ähli ilatyň gytlyk howpyna sezewardygyny nygtady.
Halkara günä geçişlik guramasy Ysraýylyň Gazadaky palestinalylara garşy genosid edýändigini mälim edipdi.
BMG-nyň Palestina boýunça habarnamaçsy Albanese hem, Ysraýylyň Gazada genosid edýändigine ünsi çekipdi.
Halkara Adalat Diwany 2024-nji ýylyň 26-njy ýanwarynda palestinalylaryň genoside sezewar bolýandygyny aýan edipdi.
