Fransiýanyň kazyýeti duşenbe güni aşa sagçy liderlerden Marin Le Pen, Ýewropa Parlamentindäki galp iş orunlary bilen baglanyşykly kazyýet işinde diňlener. Kazyýetiň kabul etjek karary onuň 2027-nji ýylda prezidentlige dalaşgärlik hukugyny ortadan aýyryp biler.

Üç gezek prezidentlige dalaş eden Le Pen 2027-nji ýylda Fransiýanyň prezidentligini saýlanmak üçin iň gowy mümkinçiliginiň bardygyny pikir edýar we özüniň hiç hili nädogry hereket etmändigini beýan edýär.

Emma bu işde Le Pen bilen birlikde Milli jebisligiň (RN) beýleki ýokary derejeli wekillerini hem jenaýat işine çeken prokurorlar, kazyýetden Le Peniň azatlykdan mahrum edilmegi we döwlet işinden mahrum edilmegini talap etdiler.

Eger-de kazyýetiň şol talaby kabul etse, Le Pen şikaýat etse-de, bu gadagançylyk güýje girer we ony prezident saýlawlaryna gatnaşmakdan mahrum eder.

2024-nji ýyldaky saýlawlardan soň RN parlamentde wekilçilik edilýän iň güýçli partiýa boldy. Le Pen immigrasiýa we ýaşaýyş çykdajylary baradaky jemgyýetçilik aladalarynyň üstünde durup, 2027-nji ýylda Eliseý köşgüni eýelemek üçin mümkinçilikleriniň bardygyna ynanýar.

Ol geçen ýyl şol wagtky premýer-ministr Mişel Barnieriň hökümetini hökümetden çetleşdirmekde hem möhüm rol oýnady, bu bolsa onuň güýjüni görkezýär.

Eger-de Le Pen ýeňiläýse, RN partiýasynyň lideri, 29 ýaşly Jordan Bardella onuň ornuny tutmaga taýýar. Emma partiýanyň içinde-de onuň prezidentlik kampaniýasy üçin tejribesi bilen bagly şübheler bar.

Le Pen 2011-nji ýylda Milli Front (FN) partiýasynyň ýolbaşçylygyny öz üstüne aldy we partiýany saýlawda üstün çykarmak hem-de onuň esaslandyryjysy we kakasy Jean-Marie Le Pen bilen baglanyşykly mirasdan saplamak düýpli özgerlişikler etdi. Ol partiýanyň adyny Milli Jebislik diýip üýtgetdi.

Le Pen bilen birlikde onuň partiýasy hem kazyýetde. Prokurorlar RN partiýasynyň 4.6 million Amerikan dollary jerime tölemegini talap edip, şnuň ýarysynyň yza süýşürilmegini teklip etdiler.

 Jemi 24 adam jeneýat işine çekildi, şol sanda Ýewropa Parlamentiniň ozalky dokuz agzasy we olaryň 12 kömekçisine iş gozgaldy.