Ukrainanyň Prezidenti Wolodimir Zelenskiý, penşenbe güni Türkiýede Russiýanyň Prezidenti Wladimir Putine garaşýandygyny aýtdy.

Zelenskiý, ýekşenbe güni X sosial media platformasyndan beren habarnamasynda “Ertirden başlap doly we yzygiderli ýaraşyk üçin hüjümleriň bes edilmegine garaşýarys. Bu diplomatiýa üçin esas döreder. Men penşenbe güni Türkiýede Putine garaşaryn. Bu gezek ruslaryň bahana tapmazlygyny umyd edýärin” diýdi.

Zelenskiý, Putiniň 15-nji maýda Stambulda Ukraina bilen göniden parahatçylyk gepleşikleriniň gaýtadan başlamagyna taýardyklary baradaky beýannamasyna jogap berdi.

ABŞ-nyň Prezidenti Donald Tramp hem penşenbe güni X sosial media platformasyndan beren habarnamasydna, Ukraina bu teklibi kabul etmegi üçin çagyryş berdi.

Tramp “Russiýanyň Prezidenti Putin, Ukraina bilen atyşygyň bes edilmegi üçin şertnama baglaşmak islemeýär. Emma penşenbe güni Türkiýede ganyň dökülmegi üçin gepleşik geçirmek isleýär. Ukraina bu teklibi kabul etmeli”diýdi.

Türkiýe, Putiniň teklibine kanagatlanma bildirdi.

Moskwada metbugata beýannama beren Russiýanyň Prezidenti Wladimir Putin, duşenbe güni Türkiýäniň Prezidenti R. T. Erdogan bilen telefon arkaly söhbetdeşlik geçirjekdigini we Türkiýäniň gepleşiklere ýer eýeçiligini etmegini resmi taýdan islejekdigini aýtdy.

Putin “Russiýa şertsiz gepleşiklere taýar” diýdi.

Türkiýäniň Prezidenti R. T. Erdogan hem Stambul şäherinde Russiýa bilen Ukrainanyň arasyndaky parahatçylyk gepleşikleriniň gaýtadan başlamagy üçin Putiniň beren teklibine kanagatlanma bildirdi.

Erdogan 2022-nji ýylda saklanan gepleşikleriň galan ýerinden dowam etdirilmegine goldaw berýändiklerini belledi.

Erdogan, Türkiýäniň yzygiderli çözgüt üçin gepleşiklere ýer eýeçiligini etmäge taýardygyny ýene-de bir gezek gaýtaklady.

Prezident Erdogan, Russiýa hem-de Ukraina bilen ýakyndan gatnaşyk edýän Türkiýäniň parahatçylyk gepleşiklerine ýer eýeçiligini etmäge hem-de yzygiderli çözgüt üçin elinden geleni etmäge taýardygyny ýatlatdy.