Albarakanyň 2-nji Global yslam ykdysadyýeti sammiti Yslam maliýe we maliýe däl guramalaryny güýçlendirmek, durnukly ösüş maksatlaryna ýetmek we täze strategiýalar bilen dünýä ykdysadyýetine täsir ýetirmek maksady bilen Stambulda başlandy.

Anna güni başlanan iki günlük sammit, Prezidentiň Maýa goýum we maliýe ofisi, Stambulyň maliýe merkezi (IFC), Albaraka Türk gatnaşyjy banky, Ibn Haldun uniwersiteti we Yslam hyzmatdaşlygy ýaşlar forumy (IIGF) bilen bilelikde guralýar.

Bu çärede ýokary derejeli ýolbaşçylar, hünärmenler we hususy pudagyň wekilleri bir ýere jemlener.

Sammitde amaly netijeliligi ýokarlandyrmak, innowasiýalary höweslendirmek, töwekgelçilikleri dolandyrmagy güýçlendirmek, maliýe gatnaşygyny goldamak we pudagyň gyzyklanýan taraplarynyň arasynda hyzmatdaşlygy ösdürmek maksady bilen yslam ýörelgelerine has çuňňur düşünmegi ösdürmäge gönükdirilendir.

"Täze ýollar döretmegi maksat edinýäris"

Sammitde yslam ykdysady ýörelgelerini birleşdirmek boýunça ýokary derejeli gepleşikleriň geçirilmegine garaşylýar.

Albaraka Yslam Ykdysadyýeti forumynyň Baş sekretary Ýousef Hasan Halawi açylyş dabarasynd eden çykyşyndaa: "Biz diňe täze ýollardan ýöremegi däl, eýsem täze ýollary döretmegi maksat edinýäris. Stambul, Medine, London, Kuala-Lumpur, Karaçi, Kair we başga-da köp ýerlerde täze ýollar döredýäris" diýdi.

Ýousef Hasan Halawi Yslam ekoulgamynyň bir bölegi hökmünde has köp başlangyçlaryň döredilmelidigini aýtdy.