Azerbaýjan,  Fransiýanyň Daşary işler ministriniň beren beýannamasyndan soň, Fransiýany Günorta Kawkazdaky dartgynlyklar baradaky tutumy sebäpli iki ýüzli çemeleşmekde günäkärledi.

Günüň irki sagatlarynda Žan-Noel Barro, Luksemburgda geçirlen ÝB-ne agza ýurtlaryň Daşary işler ministrleri geňeşiniň maslahatynyň öňüsyrasynda metbugata beren beýannamasynda, resmi Parižiň Azerbaýjan-Ermenistan serhedinde dartgynlygyň ýokarlamagyna alada bildirýändigini nygtady. Fransiýanyň Daşary işler ministri ÝB-niň sebitdäki dartgynlygyň gözegçilik astyna alynmagy üçin tagalla etjekdigine ynanýandygyny belledi.

Barro, iki ýurduň arasynda parahatçylyk şertnamasynyň baglaşylmagy we “keýfi tussag edilşikler” hökmünde häsiýetlendiren adamlarynyň boşadylmagy üçin çagyryş berdi.

Azerbaýjanyň Daşary işler ministrliginiň metbugat sekretary Aýhan Hajizade, X sosial media platformasyndan beren habarnamasynda, Fransiýanyň Ýerewana ýarag bermeginiň we “uzak wagtdan bäri Azerbaýjana garşy alyp barýan tutumynyň” Barronyň sebitara dartgynlyklara baradaky aladasyna gapma-garşydygyny nygtady.

“Bu tutum Fransiýanyň iki ýüzli çemeleşmesini açyk-aýdyň görkezýär” diýen Hajizade, parahatçylyk şertnamasynyň baglaşylmagy we sebitde yzygiderli parahatçylygyň ýola goýulmagy üçin esasy meseleleriň seljerilmelidigini belledi.

Hajizade, Ermenistanyň konstitusiýasyndan Azerbaýjana garşy territorial talaplaryň çykarylmagynyň bu meselede diýseň möhümdigini nygtady.