Hamasyň Izzeddin al Kassam atly harby topary, Ysraýylyň hüjümlerine sezewar bolýan Eýrana goldaw berýändigini mälim etdi we Tähranyn Palestina berýän goldawlary barada öwgüli sözler aýtdy.
Hamas tarapyndan ýekşenbe güni berlen beýannamada, Ysraýyllyň hüjümlerinde ýokary derejeli eýranly serkerdeleriň öldürilmegi sebäpli Eýrana gynanç bildirildi.
Hamas, uly kynçylygy başdan geçirjekdigine garamazdan Eýranyň Palestina goldaw bermäge dowam edendigine ünsi çekdi.
Hamas tarapyndan berlen beýannamada, “Eýranlylar uly kynçylygy başdan geçirjekdiklerini bilýändigine garamazdan Palestina goldaw bermekden ýüz öwürmedi” diýildi.
Beýannamada, Eýranyň Ysraýyla garşy guraýan hüjümleri “gahrymançylyk hereketi” hökmünde häsiýetlendirildi.
Beýannamada, Gazadaky palestinalylaryň Eýranyň Ysraýyla garşy guraýan hüjümlerine buýsanç bilen syn edýändikleri nygtaldy.
Gazadaky genosid we Eýrana guralýan sebäpsiz hüjümler
Bu beýannama, Ysraýylyň anna güni Eýranyň ýadro desgalaryna guran hüjümlerinden soň berildi.
Ysraýylyň Eýrana guran sebäpsiz hüjümleri çaknyşyklara we Tähranyň ar almak üçin Ysraýyla garşy hüjüm guramagyna sebäp boldy.
Ysraýylyň 2023-nji ýylyň oktýabr aýyndan bäri Gaza guraýan hüjümlerinde esasy bölegi zenanlardan we çagalardan ybarat 55 müň 400 adam ýogaldy.
Ysraýyl gabaw astyndaky sebitde genosidi dowam etdirýär. Sebitiň esasy bölegi harabalyga öwrüldi we ilat dolulygyna diýen ýaly sebiti terk etdi.
Tel-Awiw Gaza ynsanperwer kömeginiň ýetirilmegini bökdemäge dowam edýär.
