ABŞ-nyň Prezidenti Donald Tramp ABŞ-nyň Merkezi bankynyň başlygy Jerom Pauelli wezipeden çetleşdirmek ýakly niýetiniň bolmandygyny, emma göterim mukdaryny peseltmek babatynda has işjeň bolmagyny görmek isleýändigini belledi.

Sişenbe güni beýanat beren Donald Tramp: “Ony wezipeden çetleşdirmek niýetim ýok. Göterim mukdarlaryny peseltmek pikiri babatynda has işjeň bolmagyny görmek isleýärin” diýdi.

Tramp munuň nyrhlary azaltmak üçin "amatly pursatdygyny" aýtdy we beýle ädimiň tankydy däldigini, ýöne ykdysadyýete kömek etjekdigini belledi.

Tramp: “Eger ony etmese, ol soňky mümkinçilikmi? Ýok däl. Emma ol amatly pursat bolardy” diýdi.

Tramp soňky döwürde bahalaryň arzanlamagyny, esasanam energiýa we azyk önümlerinde göterim derejesiniň peselmegine esas hökmünde görkezdi.

Hytaý bilen söwda urşy

Hytaý bilen başdan geçirilýän söwda urşy bilen bagly Tramp, Hytaýyň harytlaryna garşy girizilen 145 göterim gümrük salgytlaryň “ep-esli” azaljakdygyny, emma “nol bolmajakdygyny” aýtdy.

Tramp: "Hytaý bilen berk oýun oýnaryn. Biz mylaýym bolarys, olar hem mylaýym bolar we näme bolýandygyny göreris” diýdi.

Tramp: "Netijede, olar şertnama baglaşmaga mejburdyrlar, ýogsam ABŞ-da söwda edip bilmezler. Şeýlelik bilen, olaryň gatnaşmagyny isleýäris, emma olar we beýleki ýurtlar şertnama baglaşmaly, eger bolmasa, biz şertnamany kesgitleýäris" diýip nygtady.