Alžir, Fransiýanyň ilçihanasynda işleýän 12 diplomatdan 48 sagadyň dowamynda ýurdy terk etmegini isledi. Fransiýanyň Daşary işler ministri Žan-Noel Barro, bu kararyň Alžiriň 3 raýatynyň Fransiýada tussag edilmegi bilen arabaglanşyklydygyny mälim etdi.
Ilçi Barro, “Alžirli resmilerden bu kararlaryndan ýüz öwürmeklerini talap edýärin. Ýolbaşçylarymyz Alžirden çykarylmaga dowam eden halatynda degişli gaýtawuly görkezeris” diýdi.
Diplomatik çeşmeleriň AFP-ä beren maglumatyna görä, Alžirden çykarylmagyna karar berlen 12 adamyň arasynda Fransiýanyň İçeri işler ministrliginiň käbir ýolbaşçylary hem bar.
Fransiýa anna güni 2024-nji ýylyň aprel aýynda Parižiň çetki etrapçalarynda Alžirli Amir Boukhorsyň zamun alynmagy wakasy bilen baglanşykly biri konsullygyň işgäri 3 adamyň saklanandygyny mälim edipdi.
Bu waka, Alžir bilen Fransiýanyň arasyndaky gatnaşyklaryň ynjyk döwründe başdan geçirildi. Alžir, bu wakanyň soňky döwürde gatnaşyklaryň kadalaşmagy üçin edilýän tagallara zeper ýetirmegi maksat edinýändigini öňe sürýär.
Amir Boukhors “Amir Dz” hökmünde sosial mediada ýakyndan tanalýan we Alžiriň hökümetine garşy durýan oppozisioner. TikTokda bir milliondan gowrak muşdagy bar. 2016-njy ýyldan bäri Fransiýada ýaşaýan Boukhors, 2023nji ýylda syýasy başpenalyk aldy. 2024-nji ýylda zamun alynan Boukhors, aklawçysyna görä ertesi gün boşadyldy.
