Russiýanyň Ukraina serhediniň golaýyndaky territoriýasynda düýn gije iki köprüniň partlamalar sebäpli çökendigi we wakada 7 adamyň ýogalandygy habar berildi. Resmiler wakalary “terrorçylykly hereketler” hökmünde häsýetlendirdiler.
Russiýanyň Ukraina serhediniň golaýyndaky Brýansk sebitinde partlamanyň netijesinde ýol köprüsi demir ýol liniýasynyň üstüne çökdi. Şenbe güni başdan geçirlen wakada Moskwa tarap barýan ýolagçy otlusy relsden çykyp 7 adamyň ýogalmagyna sebäp boldy. Resmiler ýekşenbe güni beren beýanatlarynda ýogalan adamlaryň bardygyny tassykladylar.
Gysga wagt ozal goňşy Kursk sebitinde hem demir ýol köprüsi partladylmagy netijesinde çökdi. Wakada ýük otlusy relsden çykdy we maşinist ýaralandy.
Resmiler partlamalaryň arkasynda kimiň bardygyny aýtmadylar, ýöne waka bilen baglanyşykly jenaýat işiniň gozgalandygyny aýan etdiler.
Kreml tarapyndan berlen beýanatda, Russiýanyň Döwlet baştutany Wladimir Putine gijäniň dowamynda wakalar barada maglumat berilendigi habar berildi.
