Harkow şäheriniň häkimi Russiýanyň Ukrainanyň demirgazyk-gündogaryndaky Harkow şäherine guran hüjümlerinde azyndan 2 adamyň ýogalandygyny, 3-si çaga jemi 28 adamyň ýaralanandygyny habar berdi.
Harkow şäheriniň häkimi Igor Terekhow sişenbe güni Telegram hasabyndan beren beýanatynda: “Gije duşman şäheriň 2 aýry ýerine uçarmansyz howa ulaglary bilen 17 aýry gezek hüjüm gurady. Ýogalan adamlaryň bardygy barada maglumatlar gelip gowuşdy” diýdi.
Slobidskiý sebitinde 5 gatly binada 15-den gowrak jaý ýandy, Osnowýanskiý sebitinde-de birnäçe öýe hüjüm guraldy.
Igor Terekhow: “Ýumrulan binalaryň aşagynda galan adamlar bolup biler” diýdi.
Russiýa ABŞ-nyň 3 ýyldan gowrak wagt bäri dowam edýän hüjümlerini bes etmek baradaky çagyryşlara garamazdan Ukraina garşy hüjümlerini artdyrdy.
Geçen hepdäniň ahyrynda gepleşiklerde möhüm ädim hasaplanýan Stambulda geçirilen parahatçylyk gepleşiklerinde tussaglylary alyş-çalyş etmek barada ylalaşyk gazanyldy. Emma urşy bes etmek barada entek ylalaşyk gazanylmady.
