Türkiýäniň Daşary işler ministri Hakan Fidan, Ysraýylyň Gazada guraýan hüjümleriniň sebitiň onlarça ýyllyk galkynyş meýilnamasyna zeper ýetirendigini nygtady.
Hakan Fidan Ysraýylyň hüjümleri bes edilmän halatynda söweşiň halkara derejesinde uly ýitgi çekilmegine sebäp boljakdygyny belledi.
Braziliýanyň ýer eýeçiliginde Rio-de Žaneýroda geçirlen BRICS-iň 17-nji liderler sammitinde çykyş eden Hakan Fidan, “Ysraýylyň hüjümleri gözegçilik astyna alynman halatynda netijesi bütin dünýä üçin agyr bolar” diýdi.
Daşary işler ministri Hakan Fidan, Ysraýylyň hüjümleriniň parahatçylygy we durnuklylygy ýola goýmakdan jogapkär halkara guramalar üçin uly bökdençlik emele getirýändigini belledi.
Türkiýäniň sebitdäki dartgynlygyň ortadan aýrylmagy we parahatçylygyň ýola goýulmagy üçin tagalla edýändigini aýdan Fidan, yzygiderli parahatçylygyň ýola goýulmagyna goşant goşmaga taýardyklaryny ýatlatdy.
