ÝB-niň Kosmos gözegçilik we yzarlaýyş gullugy, geçiren barlaglarynda kosmos gämisiniň soňky orbitasynda görünmeýändigini we garaşylmadyk ýagdaýda atmosfera girendigini anyklady.

Ýewropa Kosmos aganetliginiň kosmos galyndylary boýunça edarasy, kosmos gämisiniň Germaniýanyň radar bekedinde görünmeýändigini we onuň atmosfera girendigini habar berdi.

Kosmos gämisiniň ýerýüzünde doly nirä gaçandygy, ýarym tonnalyk gäminiň atmosferadan geçýärkä näçe göteriminiň ýanandygy doly anyklanyp bilinmedi.

Hünärmenler kosmos gämisi taýarlanýarka, Wenera ýaly güneş ulgamynyň iň yssy planetasyna gonmagynyň göz öňünde tutulandygyny, onuň käbir bölekleriniň hatda dolulygyna ýere düşüp biljekdigini mälim edipdi.

Alymlar, kosmos gämisiniň galyndylarynyň kimdir birine zeper ýetirme ähtimallygynyň örän pesdigini nygtapdy.

Kosmos gämisi ýer orbitasynda galdy

1972-nji ýylda Sowet soýuzy tarapyndan uçurlan we Kosmos 482 ady bilen talýan kosmos gämisiniň Wenera planetasyna uçurulmagy meýilleşdirilýärdi. Emma raketanyň näsazlygy sebäpli ol Ýeriň orbitasyny terk edip bilmedi we ol ýerde galdy.

Kosmos gämisiniň esasy bölegi şowsuz uçuşdan soň 10 ýylyň dowamynda ýere düşdi.

Orbitasy kem-kemden kiçelip, agyrlyk güýjüne garşy çydap bilmedik kosmos gämisiniň 1 metr giňlikdäki sferik görnüşli gonuş enjamy ýere düşdi.

Hünärmenler, gonuş enjamynyň titanium bilen gurşalandygyny we onuň agyrlygynyň 495 kilogramdan geçýändigini nygtaýar.

ABŞ-nyň Kosmos serkerdeligi kosmos gämisiniň şenbe güni ir ertir ýok bolmandygyny tassyklamak üçin orbitadan gelen maglumatlary analiz edýär.