Yragyň howpsuzlyk güýçleriniň berýän maglumatyna görä, Yragyň demirgazygynda ýerleşýän Halkara Kerkuk howa menziliniň harby bölümine azyndan iki sany Katýuşa raketasy atyldy. Wakada iki howpsuzlyk gullukçysy ýeňil ýaralandy.
Ýolbaşçylar üçünji raketanyň ilatly ýere düşendigini we maddy taýdan ýitgi çekilmegine sebäp bolandygyny mälim etdi.
Nyşana alynan zolak, Yragyň harby goşunyna we federal polis tarapyndan ulanylýan harby desgalary öz içine alýar.
Yragyň resmi habarlar gullugy, howpsuzlyk çeşmelerine esaslanýan habarynda “Bir raketa, howa bazasyndaky birinji we ikinji uçuş-gonuş zolagynyň arasyna düşdi” diýip belledi.
Başga bir raketa al-Orouba etrapçasyndaky ýaşaýyş jaýynyň golaýyna düşdi we bina zeper ýetirdi. Wakada adam pidasy çekilmedi.
Dördünji raketanyň bolsa partlamandygy habar berildi.
Halkara Kerkuk howa menzilinde howa gatnawlarynyň dowam edendigi we howa menziline hiç hili zeper ýetirilmändigi bellenildi.
Hüjümiň jogapkärçiligini heniz öz üstüne alan bolmady.
Yrak soňky ýyllarda ýygy-ýygydan umuman alandan sebitleýin güýçleriň arasynda uzak ýyllardan bäri dowam edýän dartgynlyklar sebäpli raketa we uçarmansyz howa ulaglarynyň hüjümlerine sezewar bolýar.
Diňe birnäçe gün ozal, haýsy ýurda degişli bolandygy blinmeýän uçarmansyz howa ulaglary, Eýran bilen Ysraýylyň arasynda 12 gün dowam eden çaknyşygyň yzy ýanyndan Bagdady we Yragyň günortasynda ýerleşýän iki harby merkezi nyşana aldy.
Yragyň hökümeti soňky hüjümler bilen arabaglanşykly derňew işiniň gozgalandygyny mälim etdi.