SYÝASAT
2 minut okamak
Ukraina: “ABŞ bilen Saud Arabystanynda geçirlen gepleşikler netijeli geçdi”
Kreml, Ukraina söweşiniň bes edilmegi üçin gepleşikleriň başlandygyny we öňlerinde çekeleşikli gepleşikleriň bardygyny mälim etdi.
Ukraina: “ABŞ bilen Saud Arabystanynda geçirlen gepleşikler netijeli geçdi”
March 24, 2025

Ukrainanyň Goranmak ministri Rüstem Umerow, ýekşenbe güni Saud Arabystanynda ABŞ-nyň resmi wekiliýeti bilen netijeli gepleşik geçirendiklerini we esasan energetika pudagy hakynda pikir alyşandyklaryny mälim etdi.

Umerow sosial mediadan beren habarnamasynda “Esasan energetika pudagy bilen arabaglanlykly möhüm meseleleri ara alyp maslahatlaşdyk”diýdi.

Umerow, ABŞ-nyň Prezidenti Donald Trampyň Russiýa bilen 3 ýyldan gowrak wagt bäri dowam edýän söweşiň bes edilmegi üçin başladan diplomatik başlangyjynyň çäginde geçirlen gepleşiklerde Ukrain wekiliýetine ýolbaşçylyk etdi.

ABŞ-nyň wekiliýetine ýolbaşçylyk eden Stiw Witkoff, Saud Arabystanynda geçirlen möhüm gepleşikleriň öňüsyrasynda beren beýannamasynda, Russiýanyň Prezidenti Wladimir Putiniň üç ýyldan bäri dowam edýän söweşiň bes edilmegini isleýändigine ynanýandygyny nygtady.

Ýekşenbe güni Fox Nýusa beýannama beren Witkoff “Meniň pikirime görä ol hem parahatçylyk isleýär” diýdi.

Saud Arabystanynda Ukrainaly ýolbaşçylar bilen geçirlen gepleşiklerde, Ukraina bilen Russiýanyň arasynda atyşygyň bölekleýin bes edilmegi meselesi seljerildi. Amerikaly we Russiýaly ýolbaşçylar hem duşenbe güni Saud Arabystanynda aýry gepleşik geçirer.

Witkoff, “Duşenbe gün Saud Arabystanynda, esasan Gara deňizde gämilere guralýan hüjümleriň bes edilmegi boýunça ylalaşyk gazanyljakdygyna ynanýaryn”diýdi.

Putin geçen hepde Ukrainanyň energetika desgalaryna guralýan hüjümleriň wagtlaýyn bes edilmegini kabul edipdi, emma Trampyň, yzygiderli parahatçylygyň ilkinji ädimi kabul edilýän 30 günlük ylalaşygy tassyklamagy ret etdi. Ukraina bolsa Trampyň 30 gün möhlet bilen atyşygyň bes edilmegi baradaky teklibini kabul etdi.

 

 

 

 

 

ÇEŞME:TRT Global
TRT Global barada gysgaça syn. Pikirleriňizi ýazyň!
Contact us