Prezident R. T. Erdogan, Azerbaýjanyň Prezidenti Ilham Aliýew bilen telefon arkaly söhbetdeşlik geçirdi.

Mesele hakynda şenbe güni berlen beýannama görä, iki lider telefon söhbetdeşliginde özara gatnaşyklar bilen sebitara meseleler hakynda pikir alyşdy.

Prezident Erdogan, Türkiýe bilen Azerbaýjanyň özara gatnaşyklaryny ähli taraplaýyn ösdürmäge dowam etjekdigini nygtady.

Erdogan Ankaranyň Günorta Kawkazda yzygiderli parahatçylygyň ýola goýulmagy üçin edilýän tagallalara goldaw berjekdigini aýtdy.

“Terrordan saplanan Türkiýe” maksadyna laýyklykda başladylan etap hakynda maglumat beren Erdogan, etabyň sebitdäki terror guramalarynyň ortadan aýrylmagyna goşant goşjakdygyny belledi.

Prezident Erdogan üstünlikli ýagdaýda tamamlanjak etabyň sebitde howpsuzlygyň üpjün edilmegine goşant goşjakdygyny aýtdy.

Azerbaýjanyň Prezidenti Aliýew bolsa Ankaranyň “Terrordan saplanan Türkiýe” maksady bilen başladan etabynda gazanan üstünligiň ähmiýetine ünsi çekdi.

Aliýew, etabyň üstünlikli ýagdaýda netijelenjekdigine ynanýandygyny belledi.