Katar, Hamas bilen Ysraýylyň arasynda Gazada hüjümleriň bes edilmegi üçin Müsür bilen birlikde beýleki töwellaçylaryň edýän tagallasyny bökdemek üçin pul berendigi barada öňe sürülýän garaýyşlary ret etdi.
Kataryň Halkara media gullugy penşenbe güni beren beýannamasynda, “Katar döwleti käbir žurnalistler we köpçülikleýin habar beriş serişdeleri tarapyndan Kataryň, Müsüriň ýada gepleşiklere gatnaşýan beýleki töwellaçylaryň edýän tagallasyny bödemek üçin pul berendigi baradaky asylsyz garaýyşlaryny ýazgar we ret edýär” diýdi.
Beýannamada, “Şuňa meňzeş asylsyz garaýyşlar diňe töwellaçylk tagallalaryny bökdeýär we ýurtlaryň arasyndaky gatnaşyklara ýaramaz täsirini ýetirýär” diýildi.
Şuňa meňzeş aýyplamalar, gumanitar pajyganyň üstüni basyp ýatyrmak we söweşiň syýasylaşdyrylmagy üçin alyp barýan dezinformasiýa kampaniýanyň täze tapgyry hökmünde analiz edildi.
Kataryň bu elhenç söweşiň bes edilmegi maksady bilen töwallaçylyk wezipesini hem adamkärçilik hem-de diplomatiýa taýdan esasy jogapkärçilik hökmünde görýändigi nygtaldy we Müsür bilen birlikde yzygiderli parahatçylygyň ýola goýulmagy we asuda ilatyň goralmagy üçin tagalla etmäge dowam etjekdigi ýatladyldy.
Beýannamada şeýle hem Müsüriň sebitara durnuklylygyň ýola goýulmagy üçin edýän tagallasyna üns çekildi we bilelikdäki töwellaçylyk etabynyň netijeli bolmagy üçin tagalla edýändigi bellenildi.
‘Katargate’
Resmi Doha, Ysraýylyň köpçülikleýin habar beriş serişdelerinde Premýer-ministr Binýamin Netanýahunyň kömekçilikleriniň, Kataryň Hamas-Ysraýyl gepleşiklerinde Müsüriň täsiriniň azalmagy üçin maglumat bermegiň öwezine Katardan pul alandygy baradaky garyşlardan soň beýannama berdi.
Penşenbe güni Ysraýylyň kazyýeti saklanan Netanýahunuň iki kömekçisiniň göz tussaglygy möhlediniň bir gün uzadylandygyny mälim etdi. Netanýahunuň kömekçileri Jonatan Urijh bilen Eli Feldstein, Katardan pul almakda we ýurduň mertebesine zeper ýetirmek bilen günäkärlenýär.
Ysraýylyň KAN teleýaýlymy kazyýetiň, kömekçilikleriň göz tussaglyny möhledini 24 sagat uzadandygyny, polisiň möhlediň 7 gün uzadylmagy baradaky talabyny bolsa ret edendigini habar berdi.
Ysraýylyň Premýer-ministri Netanýahu çarşenbe güni beren beýannamasynda kömekçileri barada gozgalan işi “samsyklyk” hökmünde häsiýetlendirdi.
Jurasalim Post gazetiniň baş redaktory Zwika Klein, ady agzalýan iki kömekçi bilen arabaglanşygynyň bardygy sebäpli düşündiriş berenden soň penşenbe güni öý tussaglygyndan boşadyldy.
Baş prokuror Gali Baharaw-Miara, kazyýet işiniň çäginde ýene-de iki žurnalistiň sorag edilip bilinjekdigini aýtdy.
