Gruziýanyň kazyýeti ýurduň öňki Prezidenti Mihail Saakaşwilini serhedi bikanun ýollar bilen geçmek bilen aýyplap, 4 ýyl 6 aý azatlykdan mahrum etdi. Bu karar bilen Günbatar tarapdar syýasatçynyň umumy tussaglyk möhleti 12,5 ýyla ýetdi.
57 ýaşly Saakaşwili 2018-nji ýylda wezipesinden hyýanatçylykly peýdalanmak günäkärlemesi bilen 6 ýyl azatlykdan mahrum edilmek barada karar berilipdi, geçen hepde bolsa döwlet gaznasyny hyýanatçylykly peýdalanmak bilen aýyplanyp 9 ýyl azatlykdan mahrum edilmek barada karar berildi.
2021-nji ýylda sürgünden ýurduna gaýdyp gelen mahaly jezasyny çekmäge başlan Saakaşwili, aklawçysy Dito Sadzaglişwiliniň habar bermegine görä: “Ukrainadan gizlin ýagdaýda Gruziýa gaýdyp gelmegi sebäpli 4 ýyl 6 aý azatlykdan mahrum edildi” diýip habar berdi.
Kazy Mikheil Jinjolia: “Hökmüň birleşdirilmegi bilen Mihail Saakaşwiliniň umumy tussaglyk möhleti 12 ýyl alty aý hökmünde kesgitlenildi” diýip beýan etdi.
