Türkiyäniň Beýik Millet Mejlisi, Ysraýylyň Gaza garşy dowam edýän genosidini, sebitdäki giňişleýin hereketlerini we Eýrana garşy hüjümlerini ýazgaryp, biragyzdan jarnama kabul etdiler.

Çarşenbe güni Resmi gazetda çap edilen beýanatda, deputatlar Ysraýyl režiminiň onlarça ýyllap dowam eden basyp alyşlyk, ulgamlaýyn zorluk we Gazada müňlerçe adamyň ýogalmagyna sebäp bolan bombaly hüjümler arkaly "adamzada garşy jenaýatlar" edendigi habar berildi.

Beýanatda Ysraýylyň Eýrana garşy hüjümlerini "öjükdiriji we howply bir ädim" hökmünde häsiýetlendirilip, olaryň sebiti has giň gerimli urşa çekmek howpunyň bardygy barada duýduryş berildi.

Beýanatda: “Ysraýylyň sebitdäki parahatçylyga howp salýan ähli hereketlerini, esasanam Gazanyň halkyna garşy edýän genosidini we soňky döwürde Eýrana garşy guralan hüjümlerini iň berk ýagdaýda ýazgarýarys” diýildi.

TBMM "sebitdäki ähli bigünä halklaryň” ýanynda durjakdygyny belläp,diplomatiýa arkaly hemişelik parahatçylygy ýola goýmak tagallalaryna goldaw berjekdigini mälim etdi.

Mejlis, şeýle hem halkara guramalary we hökümetlere dymmaklygy bes etmäge çagyryp, döwlet tarapyndan maliýeleşdirilýän zorluk hökmünde häsýetlendirilen aksiýalara garşy "kanun we diplomatiýa esaslanýan jogapkärçiligi" öz üstüne almalydygyny aýtdy.

17-nji iýunda kabul edilen we Birleşen Milletler Guramasyna hödürlenen jarnamada Türkiýäniň Ýakyn Gündogarda parahatçylyk, durnuklylyk we adalat ugrundaky tagallalaryny dowam etdirjekdigi mälim edildi.