Şeýle hem Peskow, parahatçylyk şertnamasyny baglaşmak üçin duşenbe güni Stambulda geçiriljek gepleşikler barada Kiýewiň jogabyna garaşýandyklaryny aýtdy.

Peskow Kiýewiň gepleşiklerden ozal Russiýanyň parahatçylyk şertlerini üpjün etmegini isleýändigini aýdyp: "Meniň bilşime görä entek hiç hili jogap gelmedi. Ukrainanyň jogabyna garaşmaly" diýdi.

Soňky günlerde Putinden lapykeç bolan Tramp sişenbe güni rus lideriniň söweş meýdanynda öňe gidişlik edýändigi sebäpli Kiýew bilen ýaraşyk gepleşiklerinden ýüz öwürmek bilen Russiýanyň lideriniň "ot bilen oýnaýandygy" barada duýduryş berdi.

Trampyň beýanatlaryna jogap hökmünde çarşenbe güni beren beýanatynda, Kremliň Prezident Putiniň Russiýanyň milli bähbitlerini ähli zatdan ýokaryda görýändigini beýan etdi.

Stambul diplomatik gepleşikler üçin "esasy platforma"

Döwlet habar gullugy TASS-yň habaryna görä, Russiýanyň Howpsuzlyk Geňeşiniň sekretary Sergeý Şoýgu penşenbe güni Türkiyäniň Prezidentiniň Milli Howpsuzlyk Geňeşiniň Baş sekretary Okaý Memiş bilen bolan duşuşygynda "Stambul platformasy Gara deňiz Galla şertnamasy we häzirki wagtda Russiýa-Ukraina gepleşikleri bilen baglanyşykly ähli ugurlarda gepleşikler geçirmek üçin esasy platforma öwrülýär" diýdi.

Habarda mundan başgada Şoýgunyň Russiýa bilen Ukrainanyň arasynda göni gepleşikler üçin platforma üpjün edendigi üçin Türkiyäniň hökümetine minnetdarlyk bildirendigi aýdylýar.

Şoýgu: "Ankaranyň wekiliýetleriň işi üçin howpsuzlygy üpjün etmek üçin iň amatly şertleri döretmek üçin ep-esli tagalla edendigini bilýäris" diýdi.

Russiýa bilen Ukraina üç ýyl arakesmeden soň ilkinji göni gepleşiklerini 16-njy maýda Stambulda geçiripdi, şol ýerde taraplar iki tarapdan jemi 1000 adamyň gatnaşmagynda giň gerimli tussag alyş-çalşygy barada ylalaşypdylar.

Türkiyäniň ýer eýeçilik eden bu gepleşikleriň dowamynda taraplar hem ot açyşlygy bes etmek baradaky gepleşikleri dowam etdirmek barada ylalaşdylar.