Russiýanyň Derňew komitetine görä, Russiýanyň ozalky Transport ministri Roman Starowoýt, Prezident Wladimir Putin tarapyndan resmi taýdan wezipesinden boşadylmagyndan birnäçe sagat soň öz janyna kast etdi.
Komitet tarapyndan ýekşenbe güni berlen beýannamada, wezipesinden boşadylmagyndan soň Starowoýtyň jansyz bedeniniň Moskwanyň çetki etrapçalarynda tapylandygy nygtaldy.
Russiýanyň ozalky Transport ministri Roman Starowoýtyň öz janyna kast edendigi öňe sürülýär.
53 ýaşyndaky Starowoýt 2024-nji ýylyň maý aýyndan bäri Russiýanyň Transport ministri wezipesini ýerine ýetirýärdi.
Starowoýt Kursk sebitiniň gubernatory wezipesini ýerine ýetiripdi.
Derňew komitetinden berlen beýannamada, “Şu gün ozalky Transport ministri Roman Starowoýtyň jansyz bedeni Odintsowo etrapçasynda ulagynyň içine tapyldy”diýildi.
Rus köpçülikleýin habar beriş serşdeleri Starowoýtyň öz janyna kast edendigini öňe sürýär.
Starowoýtyň haçan ýogalandygy hakynda heniz hiç hili maglumat berilmedi. Birnäçe sagat öň Kreml, Putin tarapyndan Starowoýtyň wezipesinden boşadylandygyny mälim edipdi. Mesele hakyndaky kararnamada “Roman Starowoýt, Transport ministri wezipesinden boşadyldy” diýlipdi.
Roman Starowoýtyň wezipesinden boşadylmagyndan soň orunbasarlaryndan Andreý Nikitin Prezident Wladimir Putin tarapyndan wagtlaýyn Tranpsort ministri hökmünde bellenipdi.
