Bloomberg Nýus, ABŞ-nyň, Russiýa bilen Ukrainanyň arasynda baglaşyljak giň gerimli parahatçylyk şertnamasynyň bir bölegi hökmünde Ukrainanyň Krym sebitiniň Russiýa degişlidigini ykrar etmäge taýardygyny mälim etdi.
Anna güni berlen habarda, ABŞ-nyň Prezidenti Donald Trampyň Ýakyn Gündogar boýunça ýörite wekili Stiw Witkoffyň, Russiýanyň Prezidenti Wladimir Putiniň Ukrainada yzygiderli parahatçylygyň ýola goýulmagyny isleýändigine ünsi çekendigi nygtaldy.
Witkof, Foks Nýusa beren beýannamasynda “Putin yzygiderli parahatçylyk isleýär” diýdi.
ABŞ-nyň Prezidenti Donald Tramp bilen Döwlet sekretary Marko Rubio, anna güni beren beýannamalarynda gepleşiklerde öňe gidişlik edilmän halatynda, ABŞ-nyň parahatçylyk üçin töwallaçy bolmakdan ýüz öwürjekdiklerini mälim edipdi.
Witkoff, parahatçylyk gepleşiklerinde Ukrainanyň Russiýanyň gözegçiligi astynda bolan 5 sebitini öz içine alýandygyny, gepleşikleriň şol bir wagtda Ukrainanyň NATO agzalykdan ýüz öwürmegini we ABŞ bilen Russiýanyň arasyndaky söwda gatnaşyklarynyň artdyrylmagyny öz içine alýandygyny belledi.
Krymyň anneksiýasy
Rus güýçleri 2014-nji ýylyň fewral aýynda, Krym tarapyndan goldanýan Prezident Wiktor Ýanukowiçiň wezipesinden çetleşdirilmegine sebäp bolan Ukrainadaky ynkylapdan soň, etniki ruslary we Gara deňiz flodyny goramak maksady bilen Krymyň strategik nokatlaryny ele geçirendigini mälim etdi.
16-njy martda geçirlen referendumda halk Russiýa goşulmak üçin ses berdi. Emma referendumyň netijesi Ukraina, BMG we Günbatarly ýurtlar tarapyndan ykrar edilmedi.
Russiýa 18-nji martda Krymy resmi taýdan anneksiýa edip, ony federal sebit hökmünde yglan etdi. Russiýa anneksiýa kararyndan soň halkara derejesinde sanksiýa goýuldy.
Ukraina müňlerçe esgerini sebitden ewakuasiýa etdi. Käbiri bolsa Russiýa gaçdy.
Krymy Russiýa bilen birleşdirmek üçin Kerç bogazynda köprü guruldy. Emma sebit halkara derejesinde henizem Ukrainanyň bir bölegi hökmünde ykrar edilýär.
