Nvidia kompaniýasynyň ýolbaşçysy Jensen Huang Amerikanyň Birleşen Ştatlarynyň Hytaýa emeli aň çipleriniň eksportyna girizen gözegçilik düzgünlerini "şowsuzlyk" diýip häsýetlendirdi.
ABŞ-nyň Söwda ministrligi geçen hepde Hytaýda öndürilýän çipleri ulanmak arkaly eksport gözegçilik düzgünleriniň bozulmagyna ýol berilmeli däldigini beýan edip, degişli firmalary ünsli çemeleşmäge çagyrdy.
Huangyň bu beýanaty duşenbe güni ABŞ-nyň kompaniýalary, Huawei-niň Ascend AI çipleri bilen bilelikde Hytaýda öndürilen döwrebap kompýuter çiplerini ulanmazlyga çagyrýan görkezmesinden soň Hytaýyň Amerikany "ýalňyşlaryny tiz wagtda düzetmäge" we "diskriminasion" sanksiýalardan el çekmäge çagyrmagynyň yzy süre berildi.
Hytaýyň Söwda ministrliginden berlen beýanatda ABŞ-nyň bu başlangyjynyň Ženewada geçirilen ýokary derejeli ikitaraplaýyn söwda gepleşiklerinde gazanylan ylalaşyga düýpli zeper ýetirendigi nygtaldy hem-de ABŞ-nyň Hytaýyň bähbitlerine "ýokary derejede" zyýan bermäge dowam eden ýagdaýynda berk çäreleriň görüljekdigi bellenildi.
Huang Taipeýde geçirilýän ýyllyk “Computex çärelerinde eden çykyşynda, Nvidia-nyň Hytaýdaky bazar paýynyň öňki ABŞ Prezidenti Jo Baýdeniň dolandyryşynyň başynda 95 göterimden 50 göterime çenli düşürilendigini beýan etdi.
Nikkei Asia Huangyň şu sözlerini sitirledi: "Ýerli (Hytaýly) kompaniýalar örän ukyply we eksport gözegçilikleri olaryň ösüşini çaltlandyrmagy üçin ruhybelentlik, energiýa we döwlet goldawyny berdi. Meniň pikirimçe, eksport gözegçiligi şowsuzlyk boldy."
