Türkiyäniň Daşary işler ministri Hakan Fidan Türkiyäniň Prezidenti Rejep Taýýip Erdogana wekilçilik edip, Ukraina meselesi bilen gyzyklanýan “Meýletinler şärikligi” maslahatyna gatnaşdy.

Türkiyäniň Daşary işler ministrliginiň habar çeşmelerine görä, Hakan Fidan şenbe güni geçirilen onlaýn maslahatda eden çykyşynda Türkiyäniň Ukrainanyň territorial bitewiligine we özygtyýarlylygyna ygrarlydygyny aýtdy.

Fidan çaknyşykda şertsiz ýaraşygyň ýola goýulmagy we bu ugurdaky tagallalary goldamak babatyndaky Ankaranyň ygrarlylygyny nygtap geçdi.

Hakan Fidan mundan başgada urşuň 4-nji ýylyna gadam basan bu tapgyrda, ýaraşyk ýola goýlan halatynda, şol ýaraşyga gözegçilik etmek babatynda Türkiyäniň öz üstüne düşýän wezipäni ýerine ýetirmäge taýýardygyny belledi.