Türkiye Respublikasynyň Prezidenti Rejep Taýýip Erdogan Wengriýanyň premýer-ministri Wiktor Orban bilen telefon arkaly söhbetdeşlik geçirdi. Telefon söhbetdeşliginde ikitaraplaýyn gatnaşyklar, sebit we global wakalar ara alnyp maslahatlaşyldy. Türkiyäniň Prezidentiniň Kommunikasiýalar edarasyndan berlen beýata görä, Erdogan Türkiyäniň ähli ugurlar boýunça Wengriýa bilen gatnaşyklary pugtalandyrmak baradaky tutanýerliligine ünsleri çekdi.
Şenbe güni geçirlen telefon söhbetdeşliginde Erdogan Türkiyäniň Wengriýa bilen ähli ugurlardaky gatnaşyklary berkitmek babatyndaky tutanýerliligini beýan etdi.
Mundan başgada ýokary derejeli strategiki hyzmatdaşlyk geňeşiniň we Bilelikdäki geňeşmeler mehanizminiň ýakyn wagtda geçiriljek maslahatlarynyň iki ýurduň arasyndaky hyzmatdaşlygy has-da çuňlaşdyrjakdygyny aýtdy.
Türk lideri, telefon söhbetdeşliginde Wengriýanyň Premýer-ministri Wiktor Orbany doglan güni bilen gutlady.
Türkiye we Wengriýa 2013-nji ýylda Ýokary derejeli strategiki hyzmatdaşlyk geňeşini döretmek bilen gatnaşyklaryny strategiki hyzmatdaşlyk derejesine çykardylar.
Soňky ýyllarda Türkiye bilen Wengriýanyň arasyndaky ikitaraplaýyn gatnaşyklar syýasy, ykdysady we medeni ugurlarda hyzmatdaşlygyň artmagy bilen giňelmegini dowam etdirýär.
