Türkiye Respublikasynyň Prezidenti Rejep Taýýip Erdogan bilen Eýranyň Prezidenti Mesud Pezeşkiýan sebitleýin dinamikalary ara alyp maslahatlaşyp, biri-birlerini Gurban baýramy bilen gutladylar we şol bir wagtyň özünde gatnaşyklary pugtalandyrmagy wada berdiler.

Türkiyäniň Prezidentiniň ýanyndaky Kommunikasiýalar edarasy tarapyndan berlen beýanatda, Türkiye Respublikasynyň Prezidenti Rejep Taýýip Erdogan bilen Eýran Yslam Respublikasynyň Prezidenti Mesud Pezeşkiýanyň sebitleýin we global meseleler bilen birlikde iki ýurduň arasyndaky gatnaşyklar barada telefon arkaly söhbetdeş bolandyklary habar berildi.

Çarşenbe güni geçirlen telefon söhbetdeşliginde Prezident Erdogan Türkiyäniň öňümizdäki döwürde Eýran bilen gatnaşyklaryň guramaçylyk binýadyny güýçlendirmek babatyndaky tutanýerliligini nygtap geçdi.

Prezident Erdogan Gurban baýramy mynasybetli Eýranyň Prezidenti Pezeşkiýany gutlady.