Ýurduň kosmos agentligi, Hindistanyň täze ýer gözegçilik hemrasyny uçurmak synanşygynyň uçuşyň üçünji tapgyrynda ýüze çykan tehniki näsazlyk sebäpli şowsuz bolandygyny mälim etdi.

Hindistanyň Kosmos gözegçilik guramasy ISRO-nyň ýolbaşçysy Naraýanan ýekşenbe güni beren beýannamasynda PSLW-J61 uçuş enjamynyň üçinji tapgyrynda kamera basyşynyň peselendigi sebäpli emeli hemranyň uçurlyp bilinmändigini aýtdy.

Ýerli ANI habarlar gullugy, Naraýananyň “Şu gün PSLW-J61 uçuş enjamyny uçurmaga synanşdyk. 4 tapgyrly etabyň ilkinjisi üstünlikli ýagdaýda geçdi emma üçünji tapgyrda tehniki näsazlyk ýüze çykdy” diýen sözlerine ýer berdi.

Naraýanan “Geçiriljek barlaglardan soň bize ýene-de synanşarys” diýip belledi.

Üçünji şowsuzlyk

EOS-09 Ýer gözegçilik hemrasy ýekşenbe güni irden Hindistanyň günortasynda ýerleşýän Andra Pradeş sebitindäki Satish Dhrawan komos merkezinden PSLW-J61 enjamy bilen uçuryldy.

Ýekşenbe günki uçurlyş şowsuzlygy bilen birlikde bu ISRO-nyň Polar hemra uçuryş enjamy PSLW missiýasynda ýüze çykan üçünji şowsuzlyk bolup durýar. Ilkinji şowsuzlyk 1993-nji ýylda başdan geçirlipdi.

Hindistan 1960-njy ýyllardan bäri özü hemralary bilen birlikde beýleki ýurtlaryň hemralaryny uçurýar. Hindistan şeýle hem 2014-nji ýylda Marsyň orbitasyna hemra ýerleşdiripdi.

Hindistan 2023-nji ýylyň awgust aýynda Russiýadan, ABŞ-dan we Hytaýdan soň Aýa uçarmansyz enjam gondurmagy başaran dördünji ýurt boldy.