Sudan avgust oyi boshida vaboni rasman epidemiya deb e'lon qildi.

Vazirlik seshanba kuni e'lon qilingan bayonotda turli shtatlarda vabo kasalligiga chalingan yana 43 ta yangi holat aniqlanganini tasdiqladi, biroq qo'shimcha o'lim holatlari qayd etilmagan.

Vabo kasalligi Sudanning 18 shtatidan 11 tasiga, jumladan Xartum, Al-Jazira, Al-Qadarif, Kassala, Nil daryosi, Shimoliy shtat, Oq Nil va Sennarga ta'sir ko'rsatgan.

Sudan avgust oyi boshida rasman vaboni epidemiya deb e'lon qildi. Odatda ifloslangan suv orqali tarqaladigan bakteriyalar sababli yuzaga kelgan kasallik og'ir diareya va suvsizlanishga olib keladi. Agar bemor davolanmasa, bir necha soat ichida o'limga olib kelishi mumkin.

Vabo epidemiyasi Sudan armiyasi va Tezkor qo'llab-quvvatlash kuchlari (RSF) harbiylashtirilgan guruhi o'rtasida davom etayotgan to'qnashuvlar tufayli kengroq gumanitar inqiroz davrida sodir bo'ldi.

Birlashgan Millatlar Tashkiloti va mahalliy hisob-kitoblarga ko‘ra, 2023-yil aprel oyida boshlangan zo‘ravonliklar 20 mingdan ortiq odamning o‘limiga sabab bo‘lgan va 14 milliondan ortiq kishi uy-joyini tark etgan.