Turkiya butun mamlakat bo'ylab ko'p qatlamli havo mudofaa tizimini kengaytirishni rejalashtirmoqda. Bu haqda payshanba kuni Milliy Mudofaa Vazirligi manbalari ma'lum qildi.

“Biz avvalo havo mudofaa tizimimiz — “Po‘lat Gumbaz”ga sarmoya kiritishni va mamlakat bo‘ylab ko‘p qatlamli havo mudofaa tizimini kengaytirishni rejalashtirmoqdamiz,” dedi manbalar payshanba kuni.

Rejalashtirilgan yangilanishlar orasida gipertovushli, ballistik va qanotli raketa tizimlariga, shuningdek, samolyotlar, harbiy kemalar, tanklar va quruqlik, dengiz va havoda ishlatiladigan uchuvchisiz tizimlarga sarmoya kiritish ham bor. Shuningdek, yangi avlod aviatashuvchilari va fregatlar ishlab chiqilishi ham rejalashtirilgan, deyishdi ular.

Manbalar, shuningdek, Turkiya NATOning mudofaa xarajatlari bo‘yicha 2 foizlik maqsadini oshirib yuborganini ta’kidlashdi.

“NATOdagi ikkinchi yirik armiyaga ega bo‘lgan Turkiya alyansning missiya va operatsiyalariga eng ko‘p hissa qo‘shuvchi besh davlatdan biri hisoblanadi,” dedi manbalar. Shuningdek, mamlakat barcha belgilangan imkoniyat maqsadlariga erishganini va mudofaa sanoati rivoji va tadqiqotlariga sarmoya kiritishda davom etayotganini qo‘shimcha qilishdi.