AQSh Prezidenti Donald Tramp seshanba kuni Rossiya Prezidenti Vladimir Putin bilan Ukrainadagi urushni tugatish haqida gaplashishni rejalashtirayotganini aytdi. U, shuningdek, jang qilayotgan tomonlar o‘rtasida “muayyan aktivlarni bo‘lishish” bo‘yicha muzokaralar allaqachon davom etayotganini qo‘shimcha qildi.

AQSh rasmiylari yakshanba kuni Saudiya Arabistonida o‘tkazilgan muzokaralardan so‘ng, uch yillik urushni to‘xtatish bo‘yicha taklifni Kiyev qabul qilganidan keyin, Ukraina va Rossiya o‘rtasida sulh kelishuvi bir necha hafta ichida erishilishi mumkinligiga umid bildirishdi.

“Menimcha, biz yer haqida gaplashamiz... energetika stansiyalar haqida gaplashamiz,” dedi Tramp Air Force One samolyotida.

“Menimcha, bu masalalar bo‘yicha Ukraina va Rossiya tomonlari o’rtasida allaqachon ko‘p narsalarni muhokama qilishgan. Biz aktivlarni bo‘lishish haqida gaplashishni boshladik.”

Vashington va Kiyevning Yevropadagi ittifoqchilari Moskvani janglarni to‘xtatishga ko‘ndirishga harakat qilmoqda, ammo Putin bu borada aniq javob bermayapti — aksincha, bir qator shartlarni sanab o‘tib, taklif bo‘yicha “jiddiy savollar”ni ko‘tarib chiqmoqda.

Trampning mojaroni hal qilish bo‘yicha maxsus vakili Stiv Vitkoff bir necha kun Putin bilan uchrashib ortidan CNN telekanaliga bergan intervyusida, “ikki prezident bu hafta juda yaxshi va ijobiy muzokara o‘tkazadi, deb o‘ylayman,” dedi.

Tramp, u qo‘shimcha qildi, “yaqin haftalarda qandaydir kelishuv bo‘lishini kutmoqda va menimcha, bu haqiqatga yaqin.”

Ukraina Prezidenti Vladimir Zelenskiy shanba kuni Kremlni urushni tugatishni istamaslikda aybladi. U, Moskva har qanday sulhga rozi bo‘lishdan oldin “jang maydonidagi vaziyatni yaxshilashni” xohlayotganini ta’kidladi.

Rubio va Lavrov uchrashuvi

Avvalroq Moskva AQSh Davlat kotibi Marko Rubio Rossiya Tashqi ishlar vaziri Sergey Lavrov bilan o‘tgan oy Saudiya Arabistonida bo‘lib o‘tgan AQSh-Rossiya sammitida erishilgan “kelishuvlarni amalga oshirishning aniq jihatlari”ni muhokama qilish uchun qo‘ng‘iroq qilganini ma’lum qildi.

Fevral oyida Riyodda o‘tkazilgan yig‘ilish 2022 yil fevralida Moskva hujum boshlaganidan beri AQSh va Rossiya o‘rtasidagi birinchi yuqori darajadagi uchrashuv edi.

“Sergey Lavrov va Marko Rubio aloqada bo‘lib turishga kelishib olishdi,” dedi Rossiya Tashqi ishlar vazirligi, AQSh taklif qilgan sulh haqida hech qanday taklif bermay.

Davlat departamenti vakili Temmi Bryus shanba kuni, ular Ukrainaga oid “keyingi qadamlarni” muhokama qilishganini va “AQSh va Rossiya o‘rtasidagi muloqotni tiklash yo‘lida ishlashni davom ettirishga kelishib olishganini” aytdi.