Ukraina Mudofaa vaziri Rustem Umerov, Saudiya Arabistonida AQSh delegatsiyasi bilan bo‘lib o‘tgan muzokaralar konstruktiv tusda va mazmunli o‘tgani va asosiy e’tibor energetika sohasini muhokama qilishga qaratilganini ma’lum qildi.
Umerov bu haqida ijtimoy tarmoqdagi sahifasi orqali ma’lumot bo‘lishdi.
Umerov, AQSh Prezidenti Donald Trampning Rossiya bilan davom etgan 3 yillik urushni to‘xtatish uchun olib borgan diplomatik tashabbusining bir qismi hisoblangan muzokaralarda Ukraina delegatsiyasiga yetakchilik qildi.
AQSh maxsus elchisi Steve Witkoff, yakshanba kuni «Fox News» telekanaliga bergan intervyusida, Ukrainadagi urushni to‘xtatish uchun Saudiya Arabistonida olib boriluvchi yuqori darajadagi nozik muzokaralar oldidan yaxshi niyatini bayon etdi. Unda, Rossiya Davlat rahbari Vladimir Putin, 3 yildan beri davom etayotgan mojaroni tugatish istagida ekanidan ishonchi komil ekanini ifoda etdi.
Eslatib o‘tamiz:
AQSh delegatsiyasi, Ukraina va Rossiya o‘rtasida qisman sulh tuzish imkoniyatini muhokama qilish uchun Saudiya Arabistonida Ukraina rasmiylari bilan uchrashmoqda. Shu doirada dushanba kuni yana Riyod shahrida AQSh va Rossiya delegatsiyasi uchrashuv o‘tkazadi.
Witkoff yuqorida qayd etilgan intervyusida shuningdek:
«Dushanba kuni Saudiya Arabistonida bo‘lib o‘tadigan muzokarada, ayniqsa, ikki mamlakat o‘rtasidagi kemalar uchun Qora dengizda otashkesim ustidan konkret qadam tashlanishi mumkin. Ushbu jarayondan keyin to‘liq otashkesim yo‘lga qo‘yilishi kutilmoqda». – degan ifodalarga o‘rin berdi.
Vladimir Putin o‘tgan hafta Ukraina energetika ta’sislarini nishonga olgan hujumlarini vaqtinchalik to‘xtatishni qabul qildi ammo Trampning butunlay tinchlik o‘rnatishni ko‘zlagan 30 kunlik otashkesim taklifini tasdiqlashdan bosh tortdi. Ukraina esa, Trampning 30 kunlik otashkesim taklifini qabul qildi.
