Jahon Sog‘liqni saqlash tashkiloti rahbari, Isroil tomonidan yakshanba kuni G‘azo janubidagi Xon Yunus shahrida joylashgan «Nasser» shifoxonasiga qarshi uyushtirilgan hujumga e’tibor qaratar ekan, voqea yuzasidan G‘azodagi sog‘liqni saqlash tizimi katta ziyon ko‘rganini qayd etdi.

Tedros Gebreyesus dushanba kuni «X» platformasi orqali bergan bayonotida, shifoxonani nishonga olgan Isroil hujumi oqibatida jarrohlik bo‘limiga jiddiy ziyon yetkazilgani, ikki kishi jon bergani va sakkiz kishi tan jarohati olganini ma’lum qildi.

Gebreyesus so‘zlari davomida:

«Roppa – rosa 35 o‘rinli bemor xonasi yo‘q qilindi. Bu ham bo‘lsa, zo‘rovonliklar yuzasidan murakkab sharoitda turgan sog‘liqni saqlash tizimini yana da yomon ahvolda qoldirdi». – degan ifodalarga o‘rin berdi.

Tibbiy xizmat nishonga olinmasligi zarurligi, uni himoya qilish shartligi va aslo harbiylashtirilmasligi kerakligini ta’kidlagan Tedros Gebreyesus, JSSTning, garovga olinganlarning hammasi ozod etilishi va yana otashkesim yo‘lga qo‘yilishi talabini takrorladi.

Yakshanba kuni kechasi Falastin Sog‘liqni saqlash vazirligi, Isroil armiyasi tomonidan G‘azoning janubidagi bir shifoxona o‘qqa tutilgani va oqibatida kamida falastinlik ikki kishi halok bo‘lgani, bir necha kishi tan jarohati olganini ma’lum qilgandi.

Hujum shifoxonaning jarrohlik bo‘limini nishonga olgan bo‘lib, 16 yoshli bir o‘smir bilan falastinlik bir kishi hayotiga zomin bo‘ldi. Shuningdek, bir necha bemor bilan tibbiy xodim tan jarohati olgan.

Isroil armiyasi 18 - mart kuni G‘azoga qarshi kutilmagan havo hujumi uyushtirdi. Bu hujum yanvar oyida tuzilgan o‘t ochishni to‘xtatish va mahbuslarni almashish kelishuviga qaramay, kamida 730 kishining hayotiga zomin bo‘ldi va qariyb 1,200 kishini jarohatladi.