AQSh Prezidenti Donald Tramp yakshanba kuni bergan bayonotida uchinchi muddatga prezident bo‘lish yo‘llarini izlayotgani va bu borada jiddiy ekanini qayd etdi. Bu holat, uning amaldagi ikkinchi muddati 2029 -yili yakunlanishi ortidan ham o‘z lavozimida qolishi uchun konstitutsiyaviy to‘siqni yengishga bo‘lgan eng aniq ishora sifatida qabul qilindi.

«Buni amalga oshirishning ayrim yo‘llari bor», - degan Tramp, NBC News bilan telefon orqali suhbatida:

«Ammo bu haqida o‘ylash uchun hali judayam erta», - dedi.

Konstitutsiyaga 1951 - yili kiritilgan 22 - o‘zgartirishga ko‘ra bir kishining ikki martadan ko‘p prezident etib saylanishi taqiqlangan. Ushbu tartib – qoida esa Prezident Franklin D. Ruzveltning ketma - ket to‘rt marta saylanganidan so‘ng kuchga kiritilgan.

NBC muxbiri Kristen Velker, Trampdan, strategiya sifatida vitse - prezident JD Vanceni nomzod ko‘rsatib ortidan saylovda g‘alaba qozonishi ortidan lavozimini shaxsiga topshirishi kabi yo‘l - yo‘riqlarini ko‘rib chiqib - chiqmagani haqida so‘radi.

Tramp, «Bu bir yo‘l yoki usul», - deb javob berdi va so‘zlari davomida «Ammo boshqa yo‘llari ham bor, boshqa yo‘llari ham bor», - deya gapirdi.

Velker, «Menga boshqa bir yo‘l haqida ayta olasizmi?» - deb savol beri ammo Tramp bunga «yo‘q» deb javob berdi.

Tramp, avval ham uchinchi marta prezident bo‘lish masalasida vaqti - vaqti bilan hazil aralash gapirib kelgan.

Yanvar oyida, qayta nomzod bo‘lish imkonini surishtirish orqali bu masalani takror kun tartibiga olib chiqqandi.