Turkiya Parlamenti Isroilning G‘azodagi davom etayotgan genotsidini, mintaqadagi kengroq harakatlarini va Eronni nishonga olgan hujumlarini qoralovchi qarorni bir ovozdan qabul qildi.

Chorshanba kuni Rasmiy Gazetada e’lon qilingan bayonotda deputatlar Isroil rejimini o‘nlab yillik bosib olish, tizimli zo‘ravonlik va yaqinda G‘azoda minglab odamlarning o‘limiga sabab bo‘lgan bombardimonlar orqali “insoniyatga qarshi jinoyatlar” sodir etganlikda aybladi.

Shuningdek, ular Isroilning Eronga qarshi hujumlarini “provosatsion va tahdidli” deb atab, bu harakatlar mintaqani kengroq urushga tortish xavfini tug‘dirayotganini ta’kidlashdi.

“Biz Isroilning Eronga qarshi hujumlarini va G‘azo xalqiga qarshi amalga oshirilgan genotsidni qat’iy qoralaymiz,” deyiladi qarorda.

Turkiya Buyuk Millat Majlisi “mintaqaning begunoh xalqlari” bilan birga bo‘lishini va diplomatiya orqali barqaror tinchlik o‘rnatish yo‘lidagi sa’y-harakatlarni qo‘llab-quvvatlashini bildirdi.

Turkiya Parlamenti xalqaro tashkilotlar va hukumatlarni sukutni buzishga chaqirib, davlat tomonidan qo‘llab-quvvatlanayotgan zo‘ravonlikka qarshi “huquqiy va diplomatik mas’uliyat”ni o‘z zimmalariga olishga undadi.

17-iyun kuni Birlashgan Millatlar Tashkilotiga yo‘llangan qarorda Turkiya Yaqin Sharqda tinchlik, barqarorlik va adolat uchun harakatlarni qo‘llab-quvvatlashda davom etishini ta’kidladi.