Turk diplomatik manbalar Suriya mavzusidagi Turkiya - AQSh ishchi guruhi yig‘ilishi seshanba kuni Vashingtonda o‘tkazilishini ma’lum qildi.

Tashqi Ishlar vaziri o‘rinbosari Nuh Yilmaz bilan AQSh Davlat kotibi o‘rinbosari Kristofer Landau hamraisligida tashkilotlararo formatda o‘tkaziladigan ushbu yig‘ilishda ikki mamlakatning Suriya siyosatiga e’tibor qaratilishi, Suriyada xavfsizlik va barqarorlik o‘rnatishni ko‘zlagan hamkorlik imkoniyatlarini muhokama qilishi kutilmoqda.

DEASh va boshqa terror tashkilotlariga qarshi kurash olib borish masalasi kun tartibi ro‘yhatining eng yuqori qatorida o‘rin olishi kutilgan yig‘ilishda, shuningdek, Anqaraning Suriya hukumatiga bergan yordami bilan terror tashkilotiga qarshi kurash masalasida Turkiya rahbarligida yo‘lga qo‘yilgan mintaqaviy sa’y - harakatlar ham muhokama qilinadi.

AQShning Suriyaga nisbatan yo‘lga qo‘ygan sanktsiyalari

Tomonlar Suriyaning shimoli - sharqidagi lagerlarda hamkorlik imkoniyatlarini muhokama qiladi va AQSh tomonining Suriyadagi AQSh harbiy bo‘linmalarining davom etayotgan konsolidatsiyasi haqida ma’lumot berishi kutilmoqda.

Yig‘ilish o‘tgan hafta AQSh bilan Suriya o‘rtasida rahbarlik darajasida bo‘lib o‘tgan to‘g‘ridan - to‘g‘ri aloqa va AQSh Prezidenti Tramp tomonidan Suriyaga nisbatan yo‘lga qo‘yilgan sanktsiyalarning bekor qilinishi haqidagi ma’lumot ortidan uyushtirilmoqda.

Shu munosabat bilan yig‘ilishda AQShning Suriyaga nisbatan yo‘lga qo‘ygan sanktsiyalarining bekor qilinishi bilan aloqali jarayon va jadval ham muhokama qilinishi kutilmoqda.

Yig‘ilish davomida Nuh Yilmaz, Suriyada xavfsizlik va barqarorlikni ta’minlash maqsadida mamlakatning hududiy yaxlitligi va birligini saqlagan holda Anqaraning Vashington bilan siyosiy, iqtisodiy va xavfsizlik masalalarida ko‘p qirrali muvofiqlashtirishga bergan ahamiyatini ta’kidlashi kutilmoqda.

Shuningdek, Yilmazning, bu jarayon Suriyadagi barcha terror guruhlarining yo‘q qilinishi bilan o‘z nihoyasiga yetishi mumkinligi va Turkiya ham xuddi shu yakunni kutayotganiga e’tibor qaratishi rejalashtirilgan.